Chiuta Dada, Buku la Msambizgi

/ 1 0 5

CHIUTA DADA

6. Kasi chikung’anamurachi kuti Chiuta Dada ngwambura kusintha, wali umo wakabira? Kasi Chiuta wakusintha maghanoghano ghake munthowa yili yose? Usange ndi ntheura, longosorani ndipo kasi wakusintha wuli? Kasi ntchakuzirwa wuli kuzomerezga kuti Chiuta wakusintha chara kwakuyana na malaghizgo na mapangano ghake? Kwakuyana na chitemwa chake pa banthu kasi wakusintha panji chara? Longosorani. Kwakuyana na ulato wake pakuwombora banthu? 7. Kasi tingamanya wui kupulikiska kabiro ka Chiuta mu wukuru wa Chiuta pamoza mwakuti tingamanya kupulikiska vyose pamoza? Kasi mungasachizga nthowa iyo tingamanya kupulikiska vinthu ivyi ivyo vikukhwaska kabiro ka Chiuta vyose pamoza kwakuruska kuvipatura na kuvisambira chili chose pachekha – pachekha? Chisambizgo ichi chakhwaska kabiro ka Chiuta muwutatu kweniso nkharo ya Chiuta kwakuyana na ukuru wake, Chiuta wa nkhongono zose. Chisambizgo cha wutatu chikukhozgera umo Baibulo likusambizgira kuti Chiuta njumoza kweniso mbanthu batatu awo bakutebeta pamoza ndipo wose bakuchemeka kuti Chiuta, bakugabana uchindami wa Chiuta. Chiuta Dada, uyo ngwakwamba mu wutatu, wali na kabiro ako kakuyowoya na nkhongono zikuru na kurongora ukuru wake. Nga ndi umo Chiuta Dada waliri muzimu, wali na umoyo mwa iyo mwene, wali na wunthu, walije mphaka, ndipo wali na kabiro kambura kusinthika. ³ Chisambizgo cha wutatu chikuyimira chisambizgo cha Baibulo icho chikuphara kuti Chiuta wali muwutatu mu kabiro kake. ³ Mazgu gha Chiuta ghakuzomerezga na kukhozgera kuti Chiuta njumoza pera, ndiposo palijeso munyake wapadera pa iyo, kweniso ghakuzomerezga kuti Chiuta wakujivumbura nga ndi Chiuta Dada, Mwana, na Mzimu Mtuba. ³ Wali yose nga njumoza mu wutatu (Dada, Mwana na Mzimu Mtuba) wali na kabiro ka Chiuta ndipo wakuchita mlimo wa Chiuta, wose pamoza bakuchemeka Chiuta ndipo wali na mazaza nga ndi Chiuta. ³ Baibulo likukhozgera umoza wa Chiuta na wutatu wa Chiuta (Chiuta wali muwutatu), Chiuta Dada, Mwana na Mzimu Mtuba ndipo wose pamoza mbanthu awo bakupanga Chiuta

KUBAMBIKIZGA

Fundo zikuru – zikuru mwawufupi

3