Chiuta Dada, Buku la Msambizgi

1 0 8 /

CHIUTA DADA

vinthu vinji ivyo ndi vyakusuzga kupulikiska. Imwe nga ndi Mliska kasi mungamovwira wuli?

Chiuta yumoza mukabiro katatu

Mpharazgi munyake wakumanyikwa chomene wali kwamba kusambizga umo iyo wakupulikiskira wutatu wa Chiuta. Chisambizgo ichi chikuwoneka kut banthu bakusuzgika chomene kuchipulikiska ndipo chiziska masuzgo ghanandi mu mpingo winu. Mumalo mwalusambizga chipulikano cha bakhristu icho chili kugomezgeka na banandi kufumura lilo mwaka, iye wakusambizga kuti Chiuta njumoza mweneuyo wakujivumbura na kuwonekera patatu. Wakwiza nga ndi Dada, Mwana kweniso Mzumu Mtuba. Chikhristu chikusambizga kuti Chiuta yumoza ndiyo ndi Dada, Mwana, na Mzimu Mtuba mweneuyo wakujirongora muwutatu, mu wumoza wake. Mpharazgi uyu wakusambizga kuti Chiuta yumoza uyu wakujilongora nga ndi Dada, Mwana, na Mzimu Mtuba malingana na umo nyengo zabira kweniso na umo iyo mweneko wakhumbira kuti wajirongolere. Iye wakuzomera kuti Chiuta njumoza pera kwene wakukana kuti Chiuta wali muwutatu ndipo wali yose walipo payekha – payekha. Wakukana kuti banthu ba muwutatu mbapayekha – payekha. Kuli Chiuta yumoza mweneuyo wakujlongora patatu. Kasi ntchifukwa wuli kaghanaghaniro aka nkhambura mapokelereko kwakuyana na umo Mazgu gha Chiuta ghakusambizgira? Sumu zinanid izo zikwimbika lero zalongora kuti Chiuta ngwakutemwa kwambura kulongora ukuru wa Chiuta . Chifukwa chakuwura visambizgo vyakurongora ukuru na ufumnkhuru wa Chiuta, charongora kuti banthu banandi balije umanyi na kabiro ka Chiuta. Chiuta uyo wakusambizgika na kupharazgika mu Mipingo yindandi ndi Chiuta mweneuyo wakumanya kuvwira waka banthu kwambura kurongora ukuru wake mucharu, wambura kupereka chiponosko kucharu, wambura nkhongono za kuzura charu chose. Ndi Chiuta uyo ndi m’bwezi kwene wakutondeka kulongora ukuru wake mucharu chose chapasi ndipo walije nkhongono za kuponoskera nesi kuthaska. Pakuwoneka kuti tili kusanga waka m’bwezi kwambura kulabiskaso ukuru wake. Ghanaghanirani usange Chiuta wangamuchemani imwe kuba mulongozgi wa wimbi mu mpingo winu ndipo mwasangana na bimbi awo sumu zawo zose ndizakukwezga na kuthuwuska ubwezi uwo muli nawo mwa Chiuta kukuruska ukuru wake, longorani ivyo imwe mungamanya kusintha mwakuti banthu bamanye kumsopa Chiuta na kurongora ukuru wake. “Chiuta walongoreka kuba wakutemwa chomene”

2

3

3