Chiuta Dada, Buku la Msambizgi

/ 1 3 3

CHIUTA DADA

Chiuta nga ndi Dada: Uweme wa Chiuta Chigaba cha chibiri: Vimanyikwiro vya kabiro ka Ukari wa Chiuta

Rev. Dr. Don L. Davis

Kupulikiska ukari wa Chiuta, ako nkhabiro ka Chiuta ako kakulongora kuti Chiuta ndi mukari, padera pakuba walusungu na kutemwa. Pa kuba chisambizgo chakukhumbikira chomene kwa wali yose uyo wakupharazga Makani Ghaweme gha Chiuta, ntchakwenelera chomene kughapulikiska makora. Tikwenera kupulikiska kuti Chiuta ngwakutemwa kweniso ngwakweruzga kwananga kuli kose. Kuti tipulikiske makora kabiro ka Chiuta aka, tikwenera kupulikiska kutemwa kwake na ukari wake. Ulato withu muchisambizgo cha Vimanyikwiro vya kabiro ka Ukari wa Chiuta ngwakuti: • Ukari wa Chiuta Dada wa nkhongono zose wuli pakatipakati pa chisambizgo cha Baibulo, kweniso chigaba chakukhumbikwa na chakuzirwa chomene pa uvumbuzi wa Chiuta kwakuyana na kabiro kake. • Ukari wa Chiuta nga ndi nkharo iyo yikukhwaska na kurongora kabiro ka Chiuta mwukari wake kupaturako uweme wake, yikwenera kusambirika na kupulikiskika pamoza na nkharo na kabiro ka Chiuta kanyake kose. • Mphambano yili yose iyo tingayiwona pakati pa utuba wa Chiuta na chitemwa chake ndi vyakupindikana chara kweni kuti ndi vinonono waka kuvipulikiska. • Mukabiro kake ka Chiuta na nkharo yake, kuli kubapo chara ndipo kuzamkubapo chara, mphambano panji kulekana pakati pa kabiro kake na nkharo yake. • Chili chose icho Chiuta wakuchita na kutebeta, wali ndipo wizamkuba Chiuta yumoza pera, mweneuyo wakuchita kuli kose mukukoleranako muchitemwa na urunji wake, uchizi wake na unenesko wake.

Chigaba chachbiri mwaufupi

4