Chiuta Dada, Buku la Msambizgi

2 1 0 /

CHIUTA DADA

Chisazga pakati pa Chisilamu, Chihindu na chibudah (Mwakulutirizga)

kukwawo. Nthowa yakusazga maluso, midauko ya banthu kusopo njakovwira chomene pakufikira banthu na uthenga wa Yesu. Takhara tikuruta kuzinyifwa za basilamu kwa nyengo zitali. Tikulira kwanyengo zitari pose apo tikuwona munyithu wa chisilamu wakufwa na kusungika pakuwona kuti wakunjira kumuyirayira kwambura chiponosko mwa cha mwa Yesu Khristu. Nga ndi umo tawonera suzgo la unonono uwo wulipo pakati pa banthu chifukwa chakukana kusintha maluso na kabiro kawo chifukwa cha kunonofya mtima kweniso chifukwa cha mphambano iyo yilipo pakati chisilamu na chikhristu. Tili na chigomezgo chichoko chomene mu umoyo withu kugomezga kuti chipulikano chingasintha basilamu kwizira mukukhazga kuti basilamu bangasinthika kuba ba khristu bapakweru. Kwene tili nacho chipulikano kuti malayizgo gha Chiuta ngambura kutondeka. Tikugomezga kuti kwizira muwutebeti wamkati banthu banandi bachisilamu baponoskekenge. Tikugomezga kuti Yesu Khrsitu mweneko wati wafiske upharazgi wake na kuponoska banandi bachisilamu, bana, balara na wose. Maghanoghano na Fundo zakufumira muvisambizgo vya Chiuta pa katebetero kakufumira mukati Khumbiro lithu ndakuti tipanikizgire kuti utebeti wakufumira mukati ungachitika chara chifukwa chakuti banthu banandi bachitapo kale mlimo uwu. Kweni tikukhumba kulongora kwizira mukuzgora mafumbo agho ghalipo, mwachiyelezgero, kasi pakulabiska mu Baibulo, munthu wangaponoskeka na kulutilira kuba musilamu? Kasi munthu wakurondezga Yesu wakukhumbikwa kujilongora kuti ndi mkhristu na kunjira mumpingo? Kasi wakurondezga Yesu wangarutilira kuba musilamu? Kasi wakwenera kurombanga nipera mwakulabiska ku Mecca na kuromba mwakuwerezga malurombo gha chisilamu? • chigaba chakwamba: Ku basilamu mdauko, kabiro na chisopo ndi vinthu ivyo mungavipatura chara, kusintha kasopero kukuba kutimbanizga chikaya. • chigaba chachibiri: Chiponosko chikwiza mwauchizi pera, kwizira mu wubare uwo wuli mwa Yesu Khristu. Kusintha chisopo kuti ndiko kukupa chiponosko chara • Chigaba chachitatu: Nkhumbiro na ulato wa Yesu Khristu ukaba wakukhazikiska Ufumu wake, kupangaso chisopo chinyake chara.