Chiuta Dada, Buku la Msambizgi

2 2 4 /

CHIUTA DADA

Kupereka uchindami kwa chiuta (Mwakulutirizga)

3. Viyelezgero na Fundo zake a. Chimoza mwa vinthu vinonono chomene pa umoyo withu ndi usange tikureka kumanya kuti Chiuta wakuchita vinthu chifukwa cha iyo mweneko, pa chifukwa ise chara, Yesaya 48.11. b. Marumbo gha vinthu vyose ngwa Chiuta, kwa ise chara Masalimo 115.1. c. Luso lakujitolera ise marumbo likuwonekera usange tikumuwuskapo Chiuta pa umoyo na milimo yithu na kumubika pamphepete kwakuruska kuwona vyose ivyo tikuchita kuti ndi vyakwenelera kumupa ntchindi na marumbo. Tikumurumba panji kumunora marumbo pa ivyo tikuchita. Keith Miller, wakurongosora mwantheura: “Chakhara chikunizizika chomene kuti ise tabakhristu takhara tikuwona mwakupambaniska chomene vinthu mukasopero kithu mwakuti takhara muchisopo icho vyakuchitika vithu ndi vya mucharu na kuwaro kwa chikhristu. Mumendero na mukutebeta kwithu tatondeka kumurumba Chiuta mwakwenelera ndipo tatondeka kuwona apo tikupuvya” B. Chachibiri, tikumubira Chiuta marumbo ghake na ntchindi izo zikumwenelera pakuzipereka kwa awo ndi zawo chara. Tikupereka ntchindi na marumbo agha kuvinthu na kubanthu awo ndi vyawo chara. Yesaya 42.8. Nkhongono za kwananga izo zikutora malo gha Chiuta zili muwutatu: ndalama, ulebi, na mazaza (makhumbiro gha thupi, ivyo maso ghakudokera na kujitukumura), 1 Yohane 2.15-17; Kufuma 20.2-3. Ntchamachitiko kusopa vikozgo kwambura kumanya, nanga munthu wangaba wambura kumanya kuti ndivyo wakuchita, nanga wangaba mukhristu. Uku nkhusopa chinthu chili chose icho ndi Chiuta chara. 1. Mungamanya kusopa vyakukondwereska na kusangwiska 2. Banthu banandi lero bakusopa kujikuzga, uryezi na kukuba usambazi. (tikukhara mumidauko na maluso agha ghakukuzga na kusopa kujiwunjikira, kuguliska, kuguliska vinthu na kugura vinthu, kuba ngati ndivyo ndi vinthu vyakwenelera chomene pa umoyo wa tabanthu)