Chiuta Dada, Buku la Msambizgi

/ 2 8 9

CHIUTA DADA

Chiuta mu wutatu Ukuru wa Chiuta

Vyakulemba vyamsambizgi 3

Tampokelerani ku Visambizgo vya Msambizgi vya muchisambizgo chachitatu, Chiuta mu Wutatu: Ukuru wa Chiuta. Ulato ukuru chomene muchisambizgo ichi wuli pabiri. Muchigaba chakwamba, tirongozgerenge basambiri ku fundo ya wutatu, fundo ya mu Baibulo iyo yikukhwaska wutatu wa Chiuta nga ndi Dada, Mwana, na Mzimu Mtuba. Muchigaba chachibiri, tikoleskenge pa mutu wa ukuru wa Chiuta, Chiuta Dada wa nkhongono zose. Tikulabiska kabiro ka Chiuta kakupambanapambana na uchindami wake wa muyirayira. Mitu yose iyi njikuru chomene ndipo kuti yingalabiskika nga ndi umo yiliri chara. Icho chingachitika ntchakuti, tiperekenge chisambizgo mwawufupi kwene mwakukwanira kkuti banthu bapulikiske visambizgo ivi. Apo mukulongozga basambiri binu pa chisambizgo cha wutatu, penjeseskani fundo zinayi izo zibavwirenge kupulikiska chisambizgo ichi. Chakwamba, Chiuta njumoza pera. pali bachiuta babiri panji banandi chara kwene yumoza pera. Uyo wali kujivumbura muchipangano chakare ndi mweneyuyo wali kujilongora muchipangano chasono. Chiuta wakupokera uvumbuzi wakufikapo muchipangano chasono kwizira mwa Yesu Khristu, mweneuyo wali kupereka umanyi wose wa Chiuta uwo banthu bakukhumbikwa kumanya (Yohane 1.14-18). Chachibiri, Chiuta wakujivumbura iye yekha kwa ise munthowa zitatu ndipo zose zikuwoneka kwizira muchiponosko, apo Chiuta wali yumoza pera wambura kugabikana. Nga ndi umo muwonerenge apo mukusambira pamoza na basambiri binu kuti Chiuta Dadada wakujivumbura mwa Mwana na mwa Mzimu Mtuba ngwambura kutimbanizga kabiro kawo panji kunjilirana mwanthimbanizgo. Chiuta muwutatu wake ngwakachitiro kakupambanapambana kwene kwambura kugabikana. Chachitatu, tikuwona witatu apo tikupulikiska utebeti wawo mumlimo wa chiponosko. Chiuta Dada wali na ulato, apo Mwana wakufiska ulato wa Dada ndipo Mzimu Mtuba wakuchita na kupereka kubanthu icho Dada wali kudazga. Chipangano chasono kuti chikuyowoyapo waka chara na za wutatu wa Chiuta, kweni chikuvumbura kuti wali yose wa iwo wakuchita kwakuyana na chiponosko icho chili kupika kwa ise kwizira mwa Yesu Khristu. Chachinayi, Chisambizgo cha wutatu kufumira mu Baibulo chikupulikiskika kwizira muvinjeru pera chara kweni muchipulikano, chifukwa ndi munthondwe wa Chiuta. Ndicho chifukwa kulije munthu nanga wangaba wamahara wuli kuti

 1 Peji 77 Jando