Chiuta Dada, Buku la Msambizgi

/ 2 9 1

CHIUTA DADA

Masalimo. 131.1-3 - Mwe Fumu, mtima wane kuti ngwa kujikuzga chara, maso ghane kuti ngakujitunthumura chara. Ine kuti nkhujitangwaniska na vinthu vikuru chara, nesi na vinthu ivyo vikunditindika. 2 Kweni ndatuniska na kuchetamiska mtima wane, nga ndi umo mwana wakuchetamiskikira na bere la nyina. Mtima wane uli nga ndi mwana uyo wakupembuzgika. 3Iwe Israele, gomezga Fumu, kufuma sono mpaka muyirayira swii! Mwantheura tiyeni tizomerezge umo Baibulo likuyowoyera: Chiuta njumoza Marango gha Chibiri 6.4 - 4“Pulikani imwe ŵaIsraele, Fumu, Chiuta withu njumoza pera. 1 Mafumu 8.60 - . 60 Mwa ntheura ŵanthu wose ŵa mu charu cha pasi ŵamanye kuti Fumu ndi Chiuta nadi, kulijeso munyakhe. Yesaya 44.6 - 6 Fumu, Karonga wa Israele, Muwomboli wawo, yeneiyo ndi Fumu Mwenenkhongono zose yikuti, “Ine ndine wakudanga na wa umaliro, ndipo pa dera pa ine palije Chiuta munyakhe.” Kweniso tiyeni tizomerezge kuti Yesu ndi Mazgu agho ghali kuzgoka thupi (Yohane 1.14), na kukhozga kuti Mzimu Mtuba nga ndi Fumu mweneuyo wakupereka umoyo ku Mpingo (2 Bakorinto 3.17-18). Tiyeni tipulike ivyo bali kuyowoya balembi aba: Mpingo wakhara ukusambizga chisambizgo cha wutatu wa Chiuta. Kwambura kupusikizgira kupulikiska, Mpingo wapereka ukaboni, wa werezga mwakudidimizga ivyo Mazgu gha Chiuta ghakhara ghakusambizga. Banji bakukana kuti Mazgu gha Chiuta wutatu wa Chiuta pachifukwa chakuti nkhani yose ya wutatu wa Chiuta yikujisuska yekha; kwene pakuti tikutondeka kupulikiska kuwa kwa hamba kufuma mukhuni na umo sumbi likukonkhomokera kuzgoka kayuni, tasuzgikrachi kukhumba kupulikiska wutatu wa Chiuta uwo ndi mnthondwe. Tikughanaghana mwawufupi chomene na kabiro ka Chiuta, ndimo wakuyowoyera Michael de Molinos, “pakumanya kuti ngwambura kumanyikwa mwakufikapo kweniso na umo waliri mukabiro kake, Chiuta wali nase patali chomene ntheura kumupulikiska mwakufikapo ntchambura machitiko.

~ A.W. Tozer. The Knowledge of the Holy. New York: Harper San Francisco, 1961. p. 18-19.