Chiuta Dada, Buku la Msambizgi

/ 2 9 5

CHIUTA DADA

Chiuta nga ndi Dada Uweme wa Chiuta

Vyakulemba vyamsambizgi 4

Tampokelerani ku Visambizgo vya Msambizgi, Chisambizgo cha chinayi, Chiuta nga ndi Dada: Uweme wa Chiuta. Ulato ukuru chomene wa chisambizgo cha Chiuta Dada ntchakuti banthu bapulikiske muchigaba chakwamba mnthondwe ukuru chomene uwo mu uweme wa Chiuta kwa ise. Muchiyowoyero cha chigiriki lizgu lakuti uweme nga ndi nkharo ya munthu, Baibulo likuphara Chiuta kuti ndi muweme, walusungu, wakutemwa na wakuzura na uchizi. Wakulongora uweme wake kuchilengiwa chili chose. Mazgu gha Chiuta ghakulongora YHWEH nd Chiuta muweme ndipo wakuchitira uweme kucharu chose, (1 Midauko 16. 34; Masalimo 119. 68). Uweme wa Chiuta ukukhwaskana na zina lake (Masalimo 52. 9), malayizgo ghake ghose (Yoshuwa 21. 45), languro lake la uchizi na vyawanangwa vyake (Masalimo 119. 39; Baroma 7. 12; Yakhobe 1. 17), na milimo yake yose nga ndi umo wakusulira na kulabilira mbiri yose pachifukwa cha iyo mweneko (Vya mu Mtendeko 50. 20; Baroma 8. 28). Chilengiwa chake chose chili kupangika mukurongora uweme wake (Vya mu Mtendeko. 1. 31), ndipo milimo yake yose yakuwombora banthu na chiponosko wakujirongora kuti ndimuweme kubanthu bake. Mwachiyelezgero, wakaba muweme pakuwombora banthu bake bina Isirayeli kufuma mu Iguputo (Kufuma 18. 9), nakutiso ndi muweme pakubawezgera kwa iyo mweneko kufuma apo bakawelera kufuma ku wuzga (Ezira 7. 9). Mwakulutirizga, uweme wa Chiuta wuli mwa iyo mweneko, apo wakawombora banthu bake (Masalimo 34. 8), pakubapa chiponosko awo bakumugomezga Yesu (Bafilipi 1. 6). Munthowa yili yose, Chiuta ndi muweme (Masalimo 14. 1, 3; Mariko 10. 18). Muchigaba ichi ulato withu ngwakupereka kubasambiri ndondomeko ya umo bangatebetera mwakuti bapulikiske uweme wa Chiuta nga ndi kabiro kake. Pa umaliro tikuwona uweme wa Chiuta kwizira muchitemwa chake cha muyirayira, mu uchizi, lusungu na kuzizipizgira. Muchigaba chachibiri tiwonenge za ukari wa Chiuta mwakulinganizga na uweme wake. Tilabiskenge ukari wa Chiuta pa uheni wose uwo ukuchitika mucharu. Muchipangano chakare, ukari wa Chiuta ukawonekera pakususka kwananga na kuwura urunji (Kupenda 11. 10), pakususka kusopa vikozgo (Masalimo 78. 56-66), na pakususka awo bakukana na kususkana na Chiuta na Ufumu wake, (Marango gha Chibiri 1. 26-46; Yoshwa 7. 1; Masalimo 2. 1-6). Dazi lamkwiza apo Fumu yilongorenge mukabiro ka Apokalupto ukari wake pa banthu wose awo mbakukanana na Ufumu wake ilo ndi dazi likuru la Fumu (cf. Zefanaya 1.14 15; Yesaya 13.9). Muchipangano chasono, Yesu wakukhozgera kabiro ka Chiuta

 1 Peji 113 Jando