Chiuta Dada, Buku la Msambizgi

/ 2 9 7

CHIUTA DADA

kufuma ku mafumiro gha dazi mpaka ku manjiliro ghakhe, ŵanthu ŵamanye kuti kulije munyakhe pa dera pa ine. Ine ndine Fumu, kulije yinyakhe. Chiskani basambiri binu kukumbukira kuti Chiuta njumoza, ndipo wakutebeta mwakukoleranako na kabiro kake mwakufikapo. Unonono uwo ulipo pa ukari wa Chiuta apo tikuwona uweme wake wuli pa kutondeka kubanya uweme na ukari wa Chiuta. Chifukwa cha kutondeka kuchita ntheura kwapangiska kuti banthu bawone lwande limoza la kabiro ka Chiuta. Banandi bakuwona waka uweme wa Chiuta kwambura kulabiska ukari wake. Ivi vyapereka suzgo pakukuzga bakhristu awo bakuzomera Chiuta uyo waliko chara. Woneseskani kuti bsambiri bafumbe mafumbo ghawo apo bandapulikiske kweniso bavwireni kuti bapulikiske kabiro ka Chiuta nga ndi umo wakuvumbukwira na kujirongora mu Baibulo. Chiuta ndi muweme kweniso ndi mukari pa bachikana marango ghake. Kumbukirani umo Yesu wakamususkira Petrosi pa chigaba cha Sizariya wa ku Filipi: Mateyo. 16.21-23 - “21Kufuma pa nyengo yeneyira, Yesu wakamba kuŵayowoyera pakweru ŵasambiri ŵakhe wakati, “Nkhwenera kuruta ku Yerusalemu kwenekuko ndamkusuzgika pa vinandi na ŵarara, ŵasofi ŵarara ndiposo na ŵamanyi-marango na kukomeka, ndipo na kuwuskika ku ŵakufwa.” 22 Penepapo Petrosi wakatorera Yesu pa mphepete ndipo wakamba kumuchenya wakati, “Chara, Fumu, Chiuta kuti wazomerezgenge ichi kuchitika kwa imwe chara.”23Kweni Yesu wakazgoka na kuchenya Petrosi wakati, “Tiye uko Satana! Ndiwe chakundikhuŵazga, chifukwa ukughanaghana vinthu vya Chiuta chara, kweni vya ŵanthu pera.” Kwizira munkhani za chiyelezgero, chigaba ichi chili na ulato wakovwira basambiri kupulikiska ukari wa Chiuta ndipo munthowa zose bavwire banthu kupulikiska kabiro aka ka Chiuta. Apo bakusambira ivyo Baibulo likusambizga pa kabiro na nkharo ya Chiuta Dada wa nkhongono zose, bakurenge mukumumanya na kupambaniska visambizgo vyambura kwenelera na vya unenesko pakabiro ka Chiuta.

 5 Peji 142 Mafumbo gha basambiri na mazgoro ghake

 6 Peji 145 Nkhani za Chiyelezgero