Chiuta Dada, Buku la Msambizgi

4 0 /

CHIUTA DADA

kuruska ise tabakavu. Wakuwoneka kuti mucharu muno wali kumaro ghanji kuruska kumaro ghanyake. Wati wayowoya ntheura munthu yura, chisopo chose chikakhara waka cheteee ndipo bakazgokera kwa imwe kuti mupereke zgoro. Kasi mungazgorapochi pa makani agha?

Chiuta mweneuyo ndi mubwezi wane

Tiyelezgere kuti pakati pa basopisopi binu pali nkhani iyo yadumbika kwanyengo yitali chomene chifukwa chakukuzga nkhani ya “malurombo ghakumukwezga Chiuta chifukwa ndi bwezi la pamtima.” Kukurongora kuti mrongozgi wakwimbiska sumu na banthu banyake bavuka na sumu za m’buku ndipo bakubikamo sumu za ma korasi izo zikuthuwuska na kuwuska nkhumbi za banthu muchanya pa kumukwezga Chiuta nga ndi mubwezi wawo. Banji babasopisopi bakare bakuwwona kuti kachitiro aka nkhakutimbanizga chifukwa kamutora Chiuta kuba nga ndi munyako chomene kwakuruska kuba Chiuta wakupaturika na wapayekha nkhanira. Bakopa kuti kopa Chiuta kwawuskikapo ndipo kwasinthika na zgaro zakumutolera Chiuta kunjobe. Kasi kwa imwe mukuwona kuti wose bangaba bakuneneska panji wupu wumoza pera ndiwo ngwakuneneska? Mungazgorapo kuti wuli? Imwe nga mbarongozgi ba mpingo, mungavwira wuli mawupu wose agha kuti bapulikiske ubapo na kupaturika kwa Chiuta mwakuti usopisopi withu ube mumalo mwake na kusopa Chiuta mwakwenelera? Kukoreska vinthu vyakwambilira ( prolegomena), kusambira vinthu vyakwambilira pa chisambizgo cha kumsambira Chiuta, kukupanikizgira kuti Chiuta wakwenera kujivumbura kwa ise pambere tindamumanye. Chiuta wali kujivumbura kwa ise munthowa zibiri. Mu uvumbuzi wa Chisanisani umo Chiuta wakujivumbura ku banthu wose, kuli kose, ndipo mu uvumbuzi wa wapadera, Chiuta wakujivumbura ku banthu bachoko waka panyengo yakupaturika na malo ghakupaturika. Mu ubare wake, Chiuta na chilengiwa chake, Chiuta wali pamoza na chilengiwa kweniso ngwakupaturika. Kusangika kwa Chiuta kukung’anmura kusangika kwake na kuchitachita kwake pakati pa chilengiwa chose, penipapo kupaturika kwake kukung’anamura unenesko wakuti Chiuta ngwambura mphaka nesi mapimiko mukabiro kake ndipo ngwambura kumanyikwa ku banthu pekhapekha wajivumbure iye mweneko. Kabiro ka Chuta kali mu wuChiuta yose mu utatu wake, Dada, Mwana na Mzimu Mtuba ndipo kukuwoneka mu ukuru na uweme wake . Kabiro ka ukuru wake kakuwonekera mu uzimu, umoyo, wunthu wake, mu umuyirayira panji mukuwura mphaka, mukugomezgeka kwake, unenesko na muchitemwa chake.

3

1

Kulongosora Fundo yikuru ya Chisambizgo