Chiuta Dada, Buku la Msambizgi

/ 5 7

CHIUTA DADA

Chiuta Mlengi: Ubapo wa Chiuta Chigaba chachibiri: Vyakurondezgapo vya Chipulikano cha Bapostole

Rev. Dr. Don L. Davis

Chiuta wakulongora nkhongono zake mukubapo kwake mucharu kwizira mukusungilira na kuwusa kwake pa vinthu vyose. Usange tikuti Chiuta wakusungilira vinthu vyose, tikusachizgira kuti vinthu vyose viliko ndipo vili umo viliri vyose pamoza pa chifukwa chakusangika kwa Chiuta, apo wakuvipa vyakukhumbikwa kuti vilutilire kubapo. Kweniso usange tikuti Chiuta wakuwusa pa vinthu vyose ndikuti tikuzomerezga kuti Chiuta ndiyo ndi mweneko wa vyose ndipo wakuwusa pavyose ndipo wakuchita na chilengiwa nga ndi umo mweneko wakukhumbira. Ulato withu muchigaba ichi cha vyakurondezgapo vya mu Chipulikano cha Bapostole, ngwakuti timanye kuchita vinthu ivi: • Mlimo wapadera wa Chiuta wakusangika na kusungilira chilengiwa ukuvumbukwa kwizira mukupwelerera na kuwusa kwake pa vinthu vyose. • “Kusangika kwa Chiuta” kukung’anamura kuti vinthu vyose viliko ndipo vili pamoza pa chifukwa chakuti Chiuta na nkhongono zake wakupwelerera na kusungilira chilengiwa chake chose. • Palije kanthu kuti banthu bakughanaghana wuli na umo charu chili kwambira, palije wali yose panji chinthu chili chose icho chingamanya kujiyimira pachekha kwambura Chiuta kupereka umoyo na nkhongono zakukhalira. • “Kuwusa” kukuyimira unenesko uwo wuli mwa Chiuta weneuwo ukulongora kuti Chiuta ndi kajiyimire ndipo wali na mazaza pa vyose, ndipo wali na nkhongono na mazaza kuchita na chilengiwa kanthu kali kose ako wakukhumba kuchita. • Chiuta wawezgerengemo chilengiwa chake mwakuchifumiska ku uheni apo Yesu wati wizengeso. • Kusambizga makora makani gha ubapo wa Chiuta kukutovwira kuwuskapo ujira uwo ukwiza kufumira mukaghanaghaniro kambura kwenelera ako nkhwantha zinji zili kwiza navyo.

Chigaba cha chibiri mwaufupi

2