Chiuta Dada, Buku la Msambizgi

7 0 /

CHIUTA DADA

Kasi kukomeka kwa banthu ba ChiYuda ntchirango kufuma kwa Chiuta panji ntchinthu waka? Tiyelezgere kuti apo mukuberenga mabuku, mbwenu mwasanga buku ilo likuyowoya kuti kukomeka kwa banthu ba chi Yuda na mtundu wa banthu ba chi Geremani (kukomeka kwa banthu ba chi Yuda 6 miliyoni muchilimika cha 1939 1945), chikaba charango chakufumira kwa Chiuta chifukwa chakumukoma Mesiya. Mlembi wakurongora kuti ndi munthu wakurondezga mbiri ya vinthu makora na kuyisanda mwa lwana lose. Wakujirumbaso kuti kusandiro kake kakurondezga ndondomeko zakabazgiro ka Mazgu gha Chiuta. Wakujipharaso kuti ndi munthu wakupulikana na Chiuta mwa Yesu Khristu. Kasi ise buku ili tikwenera kuliwona wuli? Kasi tingavipokelera wuli vyantheura ivi? Tingaviphara wuli vinthu vyantheura ivi apo vikuphara mwakurongora kuti Chiuta ndiyo ndi mweneko wa vyose ndipo vyose vili mukhumbiro lake mwakuti vitikire kuwuchindami wake? (chiyelezgero, banthu banandi bakugomezga kuti kukwambilira kwa vilimika vya kwamba na 19, wuzga ukudazgika kare kuti banthu bafipa bazamkuba bazga chifukwa bakatembeka kufumira apo Nowa wakatumbika na kutemba mwana wake Ham pachifukwa chakutondeka kuchindika wiske [labiskani pa Vya mu Mtendeko 9.24-25]. Banthu banandi bakugomezga kuti chisopo cha chikhristu ntchabazungu chifukwa chikufumira mumidauko na namaluso gha bazungu. Ntchinonono chara kuwona uko kuli kufumira fundo izi: Maluso na Midauko ya chikhristu yikufumira kubazungu, kimbiro ka sumu zinandi kakufumira kubazungu ndipo Chiuta wakukhwaskika chomene na Midauko yawo. Fundo yikuru njakuti, banthu banandi bakumalira pakukana chikhristu chifukwa bakutimbanizga chipulikano mwa Chiuta na Midauko ya bazungu. Usange mungakumana na munthu munyake mweneuyo wakuyowoya kuti Chiuta wabakhristu wakutemwera bazungu, ndipo wakupulika chara nkhuto ya bafipa mumbiri yose ya charu, kasi mungamarana nagho wuli makani agha? Kasi chisambizgo cha Chiuta ndi Msungiliri, wa kupwelerera na kuwusa pa chilengiwa vikovwira wuli pa kulongosora pa suzgo ilo tikumana nalo kuno kulero mucharu pakukhumba kuphara kuti Chiuta mweneuyo ndi wise wa Fumu yithu Yesu Khristu ndi Chiuta wabanthu wose, bazungu pera chara? Chiuta uyu ngwa bazungu

2

2

3