Chiuta Dada, Buku la Msambizgi

7 8 /

CHIUTA DADA

kufumira munthowa ya sayansi panji nthowa zinyake. Midauko yithu kuno kulero yilije kuzizipizga na kupokelera chinthu chili chose icho ntchachipulikano waka kwambura kuwoneka na maso. Chisopo cha ba Mboni za Yehova ntchimoza cha uchitiro uwu. Vyose ivyo vili mu Baibulo ivyo vingapanikizgikira na ukaboni wakukoreka na mawoko panji kupulikiskika mwakwizira muchipulikano ntchambura mapokelerereko. Mwachiyelezgero, pakuti bakutondeka kupulikiska makora Chiuta muwutatu wake, bakukana utatu wa Chiuta nanga wuli Baibulo likusambizga na kupanikizgira kuti ndimo Chiuta waliri, Chiuta Dada, Mwana na Mzimu Mtuba. Mukusambizga kwawo, Yesu ndi mungelo mulara Mikayere ndipo Mzimu Mtuba ndi nkhongono ya Chiuta nga ndi umo ghaliri magesi. Usange mukukhumba kuwona chisopo icho chilijirethu kugomezga mukukhumba kuwona chisopo icho chilije chigomezgo pa minthondwe ipo labiskani pa chisopo cha ba Mboni za Yehova. Palije kanthu ivyo tikugomezga panji tikutondwa navyo, visambizgo vya Bapostole vikwenera kutipanikizgira na kuwuska nkhumbi chifukwa ndivyo ntchikhomo chithu cha chachipulikano. Tikwenera kubapatiza muzina la Chiuta Dada, Mwana na Mzimu Mtuba ndipo nga ndi umo tikuwonera kuti pa ubatizo wa Yesu, Mzimu Mtuba wakiza na kwima pa mutu wa Yesu Khristu nga ndi nkhunda, ndipo Chiuta baDada bakaphara pakweru kuti uyu ndiyo ndi Mwana wane wakutemweka mweneuyo nkhucha nayo (Mateyo 3.17). Makani gha pa 2 Bakorintho ghakuphara na uchizi wa Fumu yithu Yesu Khristu, Chitemwa cha Chiuta Dada na wendezgani wa Mzimu Mtuba (2 Bakorinto 13.14). Wose batatu bakuzunurika kuti ndi Chiuta, ndipo wose bali na kabiro kakuyana waka ka ukuru wa Chiuta. Kwene Baibulo likuphara kuti kuli Chiuta yumoza pera, batatu chara. Utatu ukukhozgeka na umo Baibulo likusambizgira, kuti vikufumira mukachitiro panji kaghanaghaniro kithu chara. Usange chikutizizika kuti Chiuta wali kutari na kapulikiskiro kithu, kweniso kuti Chiuta wali kujivumbura kwa ise kwambura kumalizga kutimanyiska mwakufikapo icho iyo wali, tikwenera kugwada pamaso pa Chiuta mweneuyo wali kutilenga na kuzomerezga nga ndi umo Malemba ghakuyowoyera pa Mateyo 11: Mateyo. 11.27 “Ŵadada ŵali kupereka vinthu vyose kwa ine, ndipo palije munthu uyo wakumanya Mwana, kweni Ŵawiske ndiwo. Ndipo palije munthu uyo wakumanya Ŵawiske, kweni Mwana ndiyo, na waliyose uyo Mwana wakusankha kumuvumbulira Ŵawiske.

3