Chiuta Mwana, Buku la Msambizgi

/ 2 8 5

CHIUTA MWANA

Chigaba chakubambikizga chikovwira kuti basambiri bagumaniske ivyo basambira na ivyo bakuchita pa umoyo na utebeti wawo. Kasi tingavwira wuli basambiri bithu kupulikiska ching’anamuro cha nyifwa ya Yesu Khristu apo munthowa zinandi nyifwa iyi yikuleka kupulikiskika. Apo mukulutirizga kusambizga na kuyezgeska kuti basambiri bapulikiske makora kuzirwa kwa nyifwa ya Yesu Khristu, yezgani kwenda nawo mwapachokopachoko apo mukumanya kuti chisambizgo ichi ntchinonono. Paulosi wakusachizga ku Bagalatiya kuti, Mwa ŵaGalatiya ŵakupusa imwe! Kasi ndi njani wamurowani? Para ine nkhapharazga Yesu Khristu, nkhamulongora pakweru pa maso pinu nga wakupayikika pa mphinjika Bagalatiya 3.1 Mafumbo agho tampani ngakovwira basambiri kuweleramo ivyo basambira kukhwaskana na Khristu, nyifwa yake. Chipangano chasono chikubika pakweru ching’anamuro cha nyifwa Yesu. Nyifwa ya Yesu yikulongosoreka kuti njakukhwaska madera ghanandi gha umoyo withu. Pali vizgezge vinandi ivyo nyifwa iyi yikulongora. Pali mavesi agha 2 Bakorinto 5.14-6.2 na Baroma 3.24-26. Baroma 6.1-11 agho ghakuyowoya kuti ise tili kutorapo lwande pa nyifwa ya Yesu, kukomeka kwa mathupi ghithu, na kutorapo lwande pachiwuka chake na kukhara mu umoyo wupya. Icho mukwenera kuchita muchigaba ichi ntchakuti muwoneseske kuti basambiri binu bakupulikiska makora umo Chipangano chasono chikuyowoyera na za nyifwa ya Yesu na chanduro icho tili nacho munyifwa iyi. Icho mukwenera kuvwira basambiri binu kuchita nkhubalongozga kusanga usambazi uwo wuli kwiza chifukwa cha nyifwa ya Yesu pa mphinjika. Suzgo ndakuti basambiri awo bakwamba sono pa makani gha vya Chiuta (Theology) ntchakuti bakuwona vinthu mwakuyana waka ndiposo na muyuyuro ukuru. Tikwenera kubavwira kujura mtima na kaghanaghaniro kawo pa mlimo wa Chiuta. Bakwenera kuwona mphepete zinandi za vinthu pambere bandakhazikike pa lwande limoza pera.

 3 Peji 92 Kubambikizga

 4 Peji 105 Mafumbo gha basambiri

 5 Peji 121 Kutorapo lwande kwa basambiri