Chiuta Mwana: Buku la Musambiri

1 2 6 /

CHIUTA MWANA

Nga ndi umo tikuchitira, mukwenera kwiza na pepara lakulembapo vyakubazga na mlimo winu wa vyakubazga. Mukwenera kuremba mwawufupi ivyo mwabazga mwantheura: zina la mlembi, ivyo mwabazga, fundo zikuruzikuru mwawufupi. Pasono mukwenera kuti mwarongora mavesi gha mlimo wakujima, Mlimo Ukuru (Ministry Project) ndipo muvipereke kubasambizgi binu. Muchisambizgo chajumpha talabiska pa mutu wakujikhizga na kujiyuyura kwa Yesu Khristu apo wakasida uchindami wake kuchanya na kwiza mucharu nga ndi munthu na kufwa pa mphinjika. Talabiska vinji mwa vinthu ivyo vikakhwaska nyifwa yake mwakuti ise tiwomboreke: wakalipira mlandu withu, mphepiska ya zakwananga zithu kwa Chiuta, wakaba wakunjira mumalo ghithu pakutifwira ise nga ndi chatonda wa Satana na nyifwa kweniso nga ndi mphemaniski wa Chiuta na banthu. Nyifwa ya Yesu yili kutipa ise chiyerezgero cha umo tikwenera kujiperekera kwa Chiuta, yikabaso chilongolero cha chitemwa cha Chiuta pa ise tabanthu, chilongolero cha weruzgi wa urunji wa Chiuta, uchatonda wa Chiuta pa Satana na nyifwa, yikakwaniska kukhuska khumbiro la Chiuta na ntchindi zake. Palije fundo yimoza payekha iyo yingapereka ching’anamuro cha nyifwa ya Yesu mwakufikapo. Kweni usange tingatora fundo zose Pamoza ndipo tingasanga ching’anamuro cheneko chifukwa fundo yili yose yili na unenesko. Muchisambizgo chakulongodezgapo tilabiskenge pa ntchindamira ya masambiro gha kumusambira Yesu (Christology) na chisinkho cha chikhristu, CHIUKA CHA YESU KHRISTU, CHIKWERA CHAKE, NA KWIZASO KWAKE. Warumbike Chiuta chifukwa cha Fumu na Mthaski withu Yesu Khristu mweneuyo wakafwa, wakawuka ndipo wizengeso mucharu kuzakakhazikiska Ufumu wa Chiuta. Amen!

Milimo yakusazgirapo

Kunozgekera Chisambizgo chakulondezgapo

3