Chiuta Mwana: Buku la Musambiri

1 5 8 /

CHIUTA MWANA

Sono ndi nyengo yakuti mutorepo lwande pa ivyo mwasambira pakuvitebeteska mu wutebeti winu na pa umoyo winu wa dazi na dazi. Chisambizgo ichi chikuphara na za kuwuka, chikwera na kwizaso kwa Yesu Khristu. Kasi imwe mwiza na mafumbo wuli agho mukuwona kuti mukukhumbikwa wuvwiri pa ivyo mwasambira. * Kasi ntchifukwa wuli chisambizgo cha chiwuka ntchakuzirwa chomene pa chipulikano cha bakhristu? * Kasi chisambizgo cha chiuka cha Yesu chikutipa wuli ise mtende na upanikizgi munyengo iyo tikumutebetera Chiuta, chomenemene apo tikukumana na mawunonono muwutebeti withu? * Kasi chisopo chithu chingakhozgeka wuli usange tikusambira chisambizgo cha chikwera mukusopa kwithu kose? * Kasi kwizaso kwa Fumu Yesu kukuzunurika karinga mukusambira kwinu Mazgu gha Chiuta, kwali kumpingo winu, kumawungano ghinu na pose apo mukukumana na banyinu pakumusopa Chiuta? Kasi imwe pamwekha mphawuli apo mukapulikapo makani ghakwizaso kwa Yesu Khristu pa umoyo winu? * Kasi cheruzgo cha Yesu Khristu icho chikwiza chikumovwirani wuli pa utbeti winu kuno kulero? Kasi chichitikenge ntchivichi usange mukuleka kupulikiska makora makani agha? * Kasi mungasazgako wuli visambizgo vya Ufumu wamyirayira wa Yesu Khristu mu utebeti winu, pa umoyo winu wa dazi na dazi na muchipulikano chinu? Pali vyakuchitika wuli ivo mungatorako mwakuti muvwire banthu awo mukurongozga na kusambizga kuti bamanye makora zakwizaso kwa Fumu Yesu, ndipo kasi vingabavwira wuli pa umoyo wawo? Pakutebeteska 1 Bakorinto 15.45 nga ndi ntchindamira yawo, bamboni za Yehova bakupulikana chara kuti Yesu wakawuka na thupi lake. Vesi likuyowoya kuti, “Ntheura kuli kulembeka kuti, “Munthu wakudanga Adamu, wakazgoka kuŵa munthu wamoyo. Kweni Adamu, wa umaliro wakazgoka Mzimu wakupereka umoyo. ” Mwantheura bakuzomerezga kuti Yesu wakawuskika kuwuzimu, bakususka kuti Yesu wakawuka na thupi lake; bakutondeka kuphara uko thupi la Yesu likaruta ndipo kasi pasono lili kochi. Bakususkaso kuti Yesu wizengeso mu thupi na muwuchindami wake. Kasi imwe mungasuskana nawo wuli banthu bantheura aba? Thupi lake likazguka chara

Kutorapo lwande kwa basambiri na vyakulondezgapo vyake

4

MAKANI GHA CHIYEREZGERO

1