Chiuta Mwana: Buku la Musambiri

2 4 2 /

CHIUTA MWANA

Ntchindamira na Mzati: Chikhristu ndi Yesu (Mwakulutirizga)

chiponosko, pakuti kulije zina linyakhe mu charu chose cha pasi ilo liri kuperekeka ku ta ŵanthu mwa leneilo tikwenera kuponoskekeramo. • Ndiyo pera mweneuyo wakazgoka wakukomwa Yesu Khristu ( Christus Victum) mwakuti wakwere na kuba chatonda wa Chiuta ( Christus Victor), Bakolose 2.13-15 - 13Ndipo imwe kale mukaŵa ŵakufwa ku vya uzimu chifukwa cha zakwananga zinu, ndiposo chifukwa mukaŵa ŵambula kukotoreka mu kaŵiro ka kwananga. Kweni sono Chiuta wamutorerani ku umoyo pamoza na Khristu. Iyo wali kutigowokera zakwananga zithu zose, 14pakusisita karata wa ngongole yithu wakuphara za Dango la Mozesi. Karata uyu wakaŵa wakutipa mrandu, kweni iyo wakamuwuskapo pakumukhomera pa mphinjika. 15Pa mphinjika yira, Khristu wakatonda nkhongono ya mizimu ya ŵakuwusa na ya ŵamazaza wose. Ndipo wakachita ichi kuti waŵakhozge soni ku wumba na kukondwera kuvivya kwakhe. Chiuta Dada wali kupereka sembe mwana wake mwakuti waponoske charu, wawezgere banthu kwa Chiuta pachifukwa chakuti tikamugarukira Chiuta, watipase kubabika kupya nga mbakuna bakusoreka ba Chiuta. Palije mlimo unyake wuli wose uwo Dada wangachitaso kujumpha mlimo uwo wali kuchita wakutitolera kwa iyo mweneko kujumpha mlimo uwo wali kuchita kwizira mwa Yesu Khristu. Ichi chikutilongora chitemwa icho Chiuta wali nacho pa ise, kuti wali kutipa mwana wake yekha kuti tiponoskeke.

III. Pa umaliro, Yesu kuti ndi mwana wa Chiuta uyo wali kuyeya uvumbuzi wake pera chara, kweni wali kumalizga chiponosko cha Chiuta na dango la umaliro na mulingo wakufikapo wa tabanthu.

A. Yesu ndiyo ndi Mlingo wa Chiuta, mweruzgi wake, pasono na umo tizamkubira apo wizengeso. Labiskaniso pa Bakolose 1.18-19 - Iyo ndiyo mutu wa thupi ilo ndi mpingo. Ndiyo jando, ndipo ndi mwana wakudanga kuwuskika ku ŵakufwa, mwakuti mu vyose ndiyo waŵenge wakudanga. 19Pakuti kukamukondweska Chiuta kuti uchiuta wakhe wose uŵe mu Mwana wakhe.