Chiuta Mwana: Buku la Musambiri

2 4 4 /

CHIUTA MWANA

Ntchindamira na Mzati: Chikhristu ndi Yesu (Mwakulutirizga)

wizamkutisintha, Bafilipi 3.21 “1Iyo wamkughazgora mathupi ghithu ghakuyuyuka agha kuti ghaŵe nga ndi thupi lakhe la uchindami ndipo wizamkuchita ichi kwakuyana na nkhongono zakhe zikuru izo zikumwenereska kuŵika vinthu vyose pasi pa iyo mwenecho.” • Petrosi wakuyowoya mukalata wake wachibiri, 2 Petrosi “kweni murutilire kukura mu uchizi na mu kumanya Fumu na Muponoski withu Yesu Khristu. Kwa iyo kuŵe uchindami sono na muyirayira swii. Ameni.” • Zina lake ndilo lekha ilo lili kupika kuchanya na pasi mwakuti tiponoskekeremo kwa Chiuta, Milimo 4.12 - Mwa iyo pera ndimo muli chiponosko, pakuti kulije zina linyakhe mu charu chose cha pasi ilo liri kuperekeka ku ta ŵanthu mwa leneilo tikwenera kuponoskekeramo.” • Yohane Mpostole wakuyowoya kuti, 1 Yohane 3.1-3 - Wonani kutemwa uko Chiuta wali nako pa ise. Iyo wakatitemwa chomene mwakuti tikuchemeka ŵana ŵa Chiuta. Ndipo nadi ndise ŵana ŵakhe. Chifukwa icho charu chikureka kutimanyira, nchakuti chikamumanya Chiuta chara. 2Mwa ŵakutemweka ŵane, sono tili ŵana ŵa Chiuta, nangauli sono chichali chindavumbukwe umo tamkuŵira. Kweni tikumanya kuti para Khristu wakwiza, tamkuŵa nga ndi iyo, pakuti tizamkumuwona nga ndi umo iyo waliri. 3Ndipo yose uyo wali na chigomezgo cha ntheura mwa Khristu wakujizgora kuŵa wakujiphotora nga ndi umo Khristu waliri wakutozgeka. D. Kwakuyana na khumbiro la Chiuta, tili kubapatizika (tili kubikika mwa Yesu na kuzingirizgika na iyo) Khristu mweneko, mweneuyo ntchigomezgo cha uchandi, tili mwa Khristu. Ise awo tikugomezga tili pamoza na Khristu Yesu, na kupangika kuba chibaro cha Mpingo wa Khristu, chinthu icho ndi munthondwe ukuru chomene: chisisi cha Chiuta. • Baroma 16.25-27, Uvumbuzi wa vya muchindindi • Baefeso 3.7-10, Chinjeru cha Chiuta icho chikuwonekera kwizira mu mpingo • Bakolose 1.25-27, Khristu mwa ise, chigomezgo cha uchindami