Chizgoka na Ntchemo, Ulongozgi wa Msambizgi

/ 1 0 5

C H I Z G O K A N A N T C H E M O

Mazgu gha Kuchema

C h i s a m b i z g o C h a c h i n a y i

page 205  1

Mwapokelereka mu zina la Yesu Khristu! Pa umaliro wa kubazga kwinu, kusanda, vidumbirano, kuphara na kuvikilira unenesko: • Mazgu agho ghakulongozgera kukuponoskeka na kuzgoka ghakutichemeraso kukukhara umoyo wabasambiri ba Yesu, bakupulikira khumbiro lake. • Mazgu agho ghakutichemera ise kukuba basambiri ghakukhumba kuti tijipereke ise kwa Yesu Khristu mwakuti timutemwe iye kuluska chili chose, pachanya pa vyose, kusazgirapo nthengwa, mwakuti timanye kumutebetera iyo pera. • Ntchemo iyi yikutichiska ise kuti tikoleske kabiro kithu kapya mwa Yesu Khristu nga mbalendo na bakupanjwamo waka mucharu ichi, banthu awo bakuchita vinthu mwakumanya kuti bahaliri ba kuchanya, nkharamba za ufumu wa Chiuta. • Umoyo wa msambiri wa Yesu ukulongoreka usange tikuzomera mwakwenerera ntchemo iyo yikutichemera kukujipereka kuba bazga bake ku Uchindami wake. Nga mbazga ba Yesu, tikujipereka mu vyose kukuchindika Chiuta na kufiska khumbiro lake mucharu, nga ndi umo wakutilangulira. • Tikuchemekera kukukhara na kutebeta mucharu, nga mbamumbumba yakuchindikika ya Chiuta mu banthu ba Chiuta ( laos ). • Msambiri wa Yesu Khristu wakuchemekera kukukhara mwa wanangwa wa Yesu Khristu, kutebeteska wanangwa wawo nga ndi mwabi wakukwaniriska languro likuru la Chiuta, na kupereka ukaboni ukweru na ulato wakumutebetera Chiuta pa kuchemera banthu kuchiponosko. • Mazgu gha ntchemo ghakutichemera ise kuba basambiri, kunjira mu mbumba ya Chiuta, na kuba banangwa kweniso kuba bakutumika na Chiuta. Nga mbamiliri ba Ufumu wa Chiuta, tili kuchemekera kukufiska Languro likuru la Chiuta (The Great Commission), kuchita nkhumbiro lake, kurwa na murwani na kukhara mwakulongora kuba bahaliri ba Ufumu wa Chiuta kwizira muchitemwa chithu na milimo yithu yiweme.

Ulato wa chisambizgo

4