Chizgoka na Ntchemo, Ulongozgi wa Msambizgi

1 6 /

C H I Z G O K A N A N T C H E M O

zinyake kujipata chomene pa vinthu ivyo bakupukwa na kukhumba. Suzgo likuru ndakuti banthubakujipereka chomene kuvinthu ivyo vikubaparanya, pa umalirowake, vilije chanduro. Bakukhalira visangurusko vyambura chanduro, vinthu vyambura kusazgirako kaweme kali kose pa umoyo wawo.. kuti tikhare makora, mwachanduro, tikwenera kupenjerezga waka vinthu chara, kwene tikwenera kudunjika makhumbiro ghithu na vyakutemwa vithu vyose pa vinthu ivyo vikumara chara, na vinthu ivyo vili na ulato uweme. Kwakuyana na Mazgu gha Chiuta, ndi vinthu vichoko chomene ivyo ndi vyachanduro pa umoyo wa munthu, ntheura ndi vinthu vichoko chomene ivyo munthu wakwenera kupenjerezga pa umoyo wake. Chimoza mwa vinthu ivyo vikuzunulika mu Mazgu gha Chiuta ndi Mazgu gha Chiuta gheneko. Chiuta wakuphara kuti Mazgu ghake, Mazgu ghatuba ghakulembeka, ndi chuma icho tikwenera kupenjerezga na mtima withu wose. Palijeso chinthu chinyake pa charu icho chikuluska Mazgu gha Chiuta ndipo palije chinthu icho chikupa mtende, mwabi na umanyi kuluska Mazgu gha Chiuta. Mazgu gha Chiuta ngakufikapo, ghakupereka ungweru ku maso, chimwemwe ku mtima, mahara ku mzimu, na chigomezgo ku umoyo. Mulembi wa MaSalimo apa wakutiphalira na umo Mazgu gha Chiuta ghakulengera kunwekereka ku mtima wa bakupulikana. Palije icho ise tili nacho icho ntchakuzirwa kuruska Mazgu gha Chiuta kwakuyana na mwana wake, ndondomeko yake, na chigomezgo chithu. Pakuvisungilira, tikutchebeskeka, ndipo pakukwapirana navyo tili na njombe yikuru chomene. Kasi mukupenjerezga Mazgu gha Chiuta nga ndi umo mukupenjera ndalama, kusangwa, panji nyengo yakufwasa, panji mwabi ukuru? Palije kali kose muno mucharu ako nkhakuzirwa panji kaweme kakuruska kumanya Mazgu gha Chiuta. Kasi mtima winu wuli pakupenjachi chomene? Pa umaliro wakuphara panji kwimba chipulikano cha Bapostole, rombani lurombo ulu: Dada Chiuta wamyirayira, tikumurumbani chifukwa cha khumbiro linu lakujivumbura kwa ise kwizira mu Mazgu ghinu. Mwatitumbika pakusungilira phangano na layizgo linu kwizira mu Mazgu ghinu, agho mukaghathutira kwizira mwa Mzimu Mtuba. Sono, kwizira mwa Mzimu Mtuba, mukutisambizga na za Mwana winu Yesu, na khumbiro linu lituba lakuwezgeramo vinthu vyose mwa iyo. Tikulithuwuska zina linu lituba chifukwa cha Mazgu ghinu ghamoyo, ndipo tikumupemphani kuti mutipe ise vinjeru vinu apo tikusambira pamoza za nkhongono yinu na ukuru wa Mazgu ghinu.

1

Chipulikano cha Bapostole

page 184  4