Chizgoka na Ntchemo, Ulongozgi wa Msambizgi

1 6 6 /

C H I Z G O K A N A N T C H E M O

NDONDOMEKO 18 Kukomwa: Uzito wakuba msambiri na Mlongozgi wakutebetera Don L. Davis Kuba msambiri nkhuvwara masuzgo na kukomwa kwa uyo wali kumuchemerani ku utebeti (2 Tim. 3.12). Mumachitiko ghake nkhwakuti munthu wangamanya kutaya viweme vyose, mwabi wose, na umoyo wuwo (Yohane 12.24-25). Basambiri wose ba Yesu Khristu bakasanga masuzgo, vitusi, kutimbika, na kukanika na barwani ba Fumu yawo Yesu Khristu. Wali yose wa iwo wakakhozgera chigomezgo chawo na ndopa zawo chifukwa cha kuzikizgika, kusuzgika, na kukomeka. Kwakuyana na mbiri ya makani ghawo, ivi ndivyo vikabachitikira pa umoyo wawo kwakuyana na mbiri ya umoyo wawo. • Mateyo wakakomwa na kukomeka mwakuchekeka na lupanga mu charu cha Itiyopiya. • Mariko wakamalira ku charu cha Alekisandiriya, wati wakwekwerezgeka pasi mumsewu wa mumsumba. • Luka wakakomeka mwakupayikika pa khuni la maolivi mucharu cha Girssi • Yohane wakabizgika muchinthema cha mafuta ghakugaduka, kwene wakayichimbira nyifwa mwamnthondwe, kwene pa umaliro wakaponyeka ku chirumba cha Patimos • Petros wakapayikika mumsumba wa Roma, mutu wake ukazgorikika pasi. • Yakhobe, Mlara, wakakomeka mwakudumurika mutu mumsumba wa Yerusalemu. • Yakhobe, Mchoko, wakaponyeka kufuma pachanya, pakaneng’aneng’a pa Tempile na kutimbika na chisulo mpaka kufwa. • Baratimeyo wakabuskika moto wamoyo. • Andreya wakakikira ku mphinjika, uko wakapharazga kubarwani bake mpaka apo wakafwira. • Tomasi wakadolereka na mkondo mthupi lake mpaka kufwa, kucharu cha Indiya • Yuda wakalasika na mivwi mpaka kufwa. • Matiyasi wakapozeka na malibwe na kudumulika mutu. • Barnabas, mpharazgi kubamtundu, wakapozeka na malibwe mucharu cha Salonika mpaka kufwa. • Paulosi, pakumara kwa kutombozgeka kanandi nandi waka na kusuzgika mwamtundu na mtundu, wakadumurika mutu ku charu cha Roma na Fumu Nero.