Chizgoka na Ntchemo, Ulongozgi wa Msambizgi

1 8 8 /

C H I Z G O K A N A N T C H E M O

Sangikani, usange nyengo yikuzomerezga, mwakuti muvwire pa kunjirikizga basambiri na kuromba nawo pa ivyo bakujumphamo. Ulato wa visambizgo vya uChiuta na Kutumika na Chiuta ngwakovwira banthu kuti Mazgu gha Chiuta ghakhare ghachanduro pa umoyo wawo, utebeti wawo, mumpingo mwawo. Umanyi winu wa basambiri binu, na kujurika kwawo mukukhumba kusambira kukwenera kumupani mwabi wakubanjirikizga makora na kuromba nawo. Kuchita kubachichizga chara kuti bajurike na kufwasa namwe, kwene mube bakufwatuka ndipo mukhazge basambiri binu kufwatuka nawo. Mazgu gha Chiuta ghajurenge basambiri binu kwa Chiuta na ulatowake, ntheura kunozgekera kwinu pakovwirana nawo ntchinthu chakovwira chomene pakuvwira basambiri binu kuti basambire na kupulikiska ivyo basambira. Bakumbuskani basambiri binu kuti Mazgu gha Chiuta ngakuti batebeteskenge, kuti ngakulangurukirapo waka na kudumbirana waka chara (Yakhobe 1.22-25). Zomerezgani Mzimu Mtuba kumulongozgani apo mukutegherezga na kuzgora mafumbo gha basambiri binu. Kupereka kwa ndondomeko ya chisambizgo, mwakusazgirapo kusunga kwa visambizgo na milimo iyo yalembeka ntchinthu chakwenelera chomene, na kuphara mwakwenelera ivyo vikukhumbikwa ndi ntchito yinu nga ndi msambizgi. Kusazgirapo pa ivi, ntchakuzirwa chomene, kuti mukwenera kupanikizga kuti msambiri wali yose wakupulikiska mlimo wa muchisambizgo chakulondezgapo, chomenemene vyakulemba. Ichi kuti ntchakusuzga chara; ulato ngwakuti babazge chisambizgo mwakubikapo mtima na kulemba pachoko pa ivyo basambira. Ichi ntchakusanda na kovwira kaghanaghaniro ka basambiri, ntheura woneseskani kuti mwabavwira chomene muchigaba ichi. Kwa awo bakuwona kusuzgika na chigaba ichi, bavwireni kuti bamanye kuti ulato wa chigaba ichi ngwakuti bapulikiske ivyo basambira ndipo bakuzge luso lawo lakusanda na kupulikiska vinthu. Nanga wuli kukuzga luso lakulemba ntchinthu chakuzirwa chomene, tikukhumba chara kukuzga chomene luso ili kwakuluska kuchiskika kwawo kuwuskika nkhumbi zakukhumba kusambira. Kweniso tikukhumba chara kubapa vinthu vyambura kupya. Yezgeskani kusanga pakatikati pa fundo zose izi.

 14 Page 41 Kunjirikizgika na kuromba

 15 Page 42 Milimo