Chizgoka na Ntchemo, Ulongozgi wa Msambizgi

/ 1 9 5

C H I Z G O K A N A N T C H E M O

Chiskani basambiri binu kufumba mafumbo, ndipo mungabawonanga kuti bakumtayiskani nyengo chara. Kwizira mukufumba mafumbo, basambiri kukupereka ungweru pa ivyo basambira, pa ivyo vikubasuzga na kubatimbanizga, ndipo kwizira mumafumbo bangamanya kupulikiska makora. Vwirani basambiri kuti basange wanangwa wakufumba na kusambira makora kwambura kutimbanizgika chifukwa cha wofi panji soni. Mukwenera kubavwira kusanga vinthu ivyo bakutondeka kupulikiska na kufumbapo mafumbo mwakuti bamanye kugabana fundo izo basambira. Ulato wa Chigaba cha makani ghachiyerezgero chikulabiska pa unenesko uwo Mazgu gha Chiuta ghakupereka, na umoMazgu gha Chiuta ghakutolera na kumazga mphambano na maunono agho ghali mucharu kuno kulero. Chiskani basambiri kupereka mazgoro ghakwenelera na umo bangatebeteskera Mazgu gha Chiuta pa nkhani za chiyerezgero zakupambana – pambana izo zaperekeka. Basambiri bawone na umo bangatebeteskera Mazgu gha Chiuta pa kutisuska na kupanikizgira kukwananga, urunji, kukweruzga na ku unenesko. Kumbukirani kuti, nkhani za chiyerezgero ulato wake ngwakupereka mwabi ku basambiri kughanaghana na kutebeteska unenesko uwo basambira pa vinthu vyakuchitika. Bikanipo mtima pa kupereka mwabi kubasambiri kuti baghaneghane na kuwona umo bangachitira usinge bangakumana na vinthu nga ndi ivi mu mpingo wawo. Didimizgani chomene kukhumbikwa kwa basambiri, nga mbalongozgi, kugomezga chomene nkhongono ya kupanikizga ya Mzimu Mtuba pa umoyo wawo wa dazi na dazi. Ntchipusu chomene kugomezga kuti kupharazga kuweme, kunozgekera, na maluso ghanyake ndivyo vikovwira kuti banthu awo tikulongozga bangamanya kusinthikiramo. Kutondeka kupulikiska kuti Mzimu Mtuba ndiyo wakususka na kupanikizgira kwizira mu Mazgu gha Chiuta na kupereka ungweru pa umo bangamanya kuchitira pa katebetero kawo na kupulikiska Mazgu gha Chiuta. Wose awo bakukana unenesko uwu bakukumana na suzgo likuru chomene pa utebeti wawo wa upharazgi, kunjirikizga na usambizgi. Fufuzani na kudumbirana mwapakweru kukoleranako kwa Mzimu Mtuba na milimo yawo muchikaya ndipo mubachiske kuwona kukoleranako uko kulipo pakati pa iwo na utebeti wa Mzimu Mtuba.

 16 Page 67

Kutorapo lwande kwa basambiri na vyakulondezgapo vyake

 17 Page 68 Makani gha Chiyerezgero

 18 Page 70 Kutorapo lwande mu utebeti