Chizgoka na Ntchemo, Ulongozgi wa Msambizgi

3 6 /

C H I Z G O K A N A N T C H E M O

2. Kasi kuyezgeka kwa Yesu Khristu kukutisambizgachi pa nkhongono za Mazgu gha Chiuta pa umoyo withu? Kasi pali unenesko wuli pa ivyo Yesu wakayowoyanga pakulimbana na Satana na mauryarya ghake mu maro gha chinkhamwa? 3. Kasi pali utebeti wuli uwo Mzimu Mtuba wakuchita pakovwira munthu wa uzimu kuti wakoreske ching’anamuro cha Mazgu gha Chiuta? Ndipo kasi munthu wambura kubabikaso wangamanya kughapulikiska Mazgu gha Chiuta? Khozgerani zgoro linu 4. Kasi chimanyikwiro cheneko cha msambiri wa Yesu ntchakuti wuli? Longosorani ubare uwo wulipo pakati pa kukura mu uzimu na kurya kwa Mazgu gha Chiuta? 5. Kasi Mazgu gha Chiuta ghakusambizga kuti munthu wangamanya kukhalirira mu Mazgu gha Chiuta kwizira munthowa wuli? Kasi kukhalilira mu Mazgu gha Chiuta kukukoleranako wuli na kukhara makora mumbumba ya bakupulikana? 6. Kasi Chiuta wali kupereka banthu wuli ku Mpingo agho bakovwira kuti wupulikiske na kutebeteska Mazgu gha Chiuta? Kasi bali na utebeti wuli pakovwira banthu kukhozgeka pa kuchita utebeti wa Chiuta? 7. Kwakuyana na Mazgu gha Chiuta, kasi ulato wa Chiuta pa chilengiwa chake ngwakuti wuli? 8. Chikuru chomene, kasi Chiuta wali kupereka mlimo wuli kubakupulikana, ndipo kasi bakwenera kuwuchita wuli mlimo uwu pa umoyo wawo? 9. Kasi Mazgu gha Chiuta ngakupambana wuli na mabuku ghanyake ghose mu charu chose? 10. Kasi tikhazgechi pa ivyo vingamanya kuchitika pa umoyo withu usange tikujipereka ku Mazgu gha Chiuta agho ghakulenga? Longosorani.

1