Chizgoka na Ntchemo, Ulongozgi wa Msambizgi

3 8 /

C H I Z G O K A N A N T C H E M O

³ Chiuta wali kupereka ku wakupulikana yose, Mzimu Mtuba, mwakuti bapulikiske na kukoreska Mazgu gha Chiuta agho wakaghathutira (1 Bakorinto 2.9-16 cf. 2 Pet. 1.21-22). ³ Mzimu Mtuba wakutisambizga kuti ulato ukuru chomene wa Chiuta pa charu icho wali kulenga, ntchakuti charu chilumbe na kuthuwuska Chiuta (Yesaya 43.7; Zintharika 16.4; 1 Bakorinto 10.31). ³ Mazgu gha Chiuta, Mazghu agho ghakulenga, ghakutenerezga ise kwizira mu Mzimu Mtuba, kuthuwuska Chiuta, apo tikukhara pasi pa kuwusa kwa Chiuta. Sono ndi nyengo yinu kuti mudumbiskane na basambiri banyinu mafumbo ghinu pa makani gha nkhongono ya Mazgu gha Chiuta ghakulenga. Kasi muli na mafumbo wuli pa ivyo mwasambira? Panji mafumbo agha ghangamanya kumovwirani pakuwuska vidumbirano pakati pinu na kumovwiraniso kupanga mafumbo ghinu na ghinu. * Usange tikuti Mazgu gha Chiuta ghali kuphakazgika na Chiuta, kasi tikung’anamura vyakulembeka vyakwamba (kung’anamura kuti vyakulemba ivyo bakalemba ba postole na zintchimi pera) panji na ivyo vili kung’anamurika mu viyowoyero vinthu wuwo? * Kasi pali nkhongono na vyakulondezgapo wuli pakudumbirana makani ghakuti charu na vyakulengeka vyose vili kujilenga vyekha na kwamba kusintha padoko padoko na umo Mazgu gha Chiuta ghakuyowoyera kuti Chiuta wali kulenga vyose? * Usange Mzgu gha Chiuta nga moyo, ghakuchitachita na ghakulenga, ntchifukwa wuli ghakutebeta mwakuyana chara mu mitima ya banthu wose awo bakughapulika? Kasi ntchifukwa wuli banthu banandi lero bakukana uthenga wa Mazgu gha Chiuta kuno ku lero? * Kasi pali ubare wuli pakati pa Mazgu gha Chiuta mwa Yesu Khristu na Mazgu gha kulembeka? Kasi ntchigaba ntchi cha Mazgu gha Chiuta ghakwenera kuzirwa chomene kuruska ghanyake? Mazgu mwa Yesu panji Mazgu ghakulembeka? Kasi ghapokere ntchindi mwakuyana waka panji mwakupambana? * Kasi tikwenera kukoleranako wuli na Mzimu Mtuba apo wakutisambizga Mazgu gha Chiuta mwakuti tigomezge kuti waliko kutisambizga ise?

1

Kutorapo lwande kwa basambiri na vyakulondezgapo

page 186  11