Chizgoka na Ntchemo, Ulongozgi wa Msambizgi

4 0 /

C H I Z G O K A N A N T C H E M O

Mazgu gha Chiuta kwakuyana na Themba James ya Mangalande

Suskano na mphindano yikuru chomene yikambika munyumba yinyake apo bakabazganga Baibulo. Nkhani yikaba yakuti kasi kang’anamuliro kaweme ndi nkha? Bakhristu balara bakagomezganga kuti kang’anamuliro kaweme ndi ako nkhakare chomene kuluska kasono chifukwa ndiko banthu bakhara bakutebeteska kwamba liro mwaka. Bachiwukirano bakagomezganga kuti kang’anamuliro kasono ndiko kaweme kwakuruska chifukwa bakusanga kuti nkhambura kusuzga kupulikiska usange bakubazga. Mawupu ghose ghakagomezganga kuti icho bakora ndicho ntchakwenelera. Mawupu wose bakumanya kuti Baibulo likalembeka mu chiHeberi na muGiriki. Imwe nga ndi Mliska/Mlongozgi kasi mungawovwira wuli ma wupu agha pa kumazga mphindano iyi? Pa umaliro wakupulika chisambizgo kufumira pa vidiyo icho chikalongosoranga kuti palije munthu uyo wangamanya kupulikiska Mazgu gha Chiuta kwambura kuti Mzimu Mtuba wamusambizge, yumoza wa bakhristu mu mpingo wakakhwaskika chomene Pachifukwa chakupelera kwake pa kapulikiskiro ka Mazgu gha Chiuta. Nanga wuli wakapulikiskanga Mazgu gha Chiuta apo ghakuphara kuti munthu wali yose wakuzgoka wali kuzuzgika na Mzimu Mtuba (Mwachiyerezgero Baroma 8.1-18; Baefeso 1.13; Bagalatiya 5.16-23), wakumanya chara icho chikung’anamura kuti Mzimu Mtuba ndiyo ndi msambizgi ndipo munthu wali yose wakwenera kusambizgika na iyo. Nanga wuli banthu wose bakumumanya kuti ngwakukhoma na kukhwima mu uzimu, kwene wakumanya chara ching’anamuro chakusambizgika na Mzimu Mtuba. Kasi mungamovwira wuli wakutemweka uyu kuti wapulikiske chisambizgo ichi kufumira mu Baibulo. Mazgu ghatuba gha Chiuta (Baibulo) ndi Mazgu gha Chiuta, agho ghali kulembeka ndipo ngake mweneko Chiuta, nga muyirayira. Chifukwa chakuti ghali kuthutirika na Mzimu Mtuba, ngakugomezgeka fikepo nkhanira, pa vyose ivyo ghakujiphara na kukhozgera. Mazgu gha Chiuta ghakutipa ise ulato wa Chiuta pa chilengiwa, kung’anamura kuti vinthu vyose vili kulengeka kwizira mu Mazgu gha Chiuta agho nga moyo na ulato wakupereka Uchindami kwa iyomweneko. Chiuta wakubatikana nkhanira na Mazgu ghake, mweneuyo ndi Yesu Khristu. Yesu ndiyo Chiuta wali kujivumbuliramo, wakuwomboleramo charu, ndipo wawezgerenge charu kwa iyo mweneko mu urunji wake. Mazgu agha gha Mzimu Mtuba ghakulenga na kupereka umoyo kwa awo bakupulikana. Basambiri beneko wakukhalira mu Mazgu gha Chiuta kwizira mukusopa Chiuta mu mpingo. Mazgu ghakupereka kukura na kukhwima mu umoyo wa msambiri apo wakulondezga Yesu. Mukukhumbikwa kuba na Mzimu Mtuba

3

1

4

Kulongosora Fundo ya Chisambizgo