Chizgoka na Ntchemo, Ulongozgi wa Msambizgi

/ 4 9

C H I Z G O K A N A N T C H E M O

Mazgu gha kupanikizgira Chigaba chakwamba

Vyamkati

Rev. Dr. Don L. Davis

Muchigaba ichi, tilabiskenge pa mutu wa Mazgu gha Chiuta nga ndi chitebetero cha Mzimu Mtuba, kususka kwananga, kupanikizgira urunji, na cheruzgo. Kuyana na kwananga, Mazgu gha Chiuta ghakutisuska ise pakuleka kupulikira marango ghake ndipo ghakulongora chigaruka icho chilipo pakati pa ise na Chiuta. Kukupanikizgira ku wurunji, Mazgu gha Chiuta ghakutivumbulira ise mphaka iyo yilipo pakati pa ise na Chiuta kwakuyana na urunji wake na umo ise tiliri bakutondekera. Pa umaliro, tidumbiskanenge na umo Mazgu gha Chiuta ghaliri pa kusambizga, pa cheruzgo, na kusambizga khumbiro la Chiuta pa kuwombora na kuwezgera banthu kwizaso kwa iyo mweneko. Ulato withu pa chisambizgo ichi chaMazgu gha Chiuta ghakupanikizgira ngwakuti: • Mazgu gha Chiuta ndi Mazgu agho ghakupanikizgira pakususka kwananga, urunji, na kweruzga. • Pa nthowa zose izo zilipo pakupulikiska Mazgu gha Chiuta na milimo yake ndi Mazgu gha Chiuta agho ghali mukati mwake agho ghakutovwira pa kupulikiska kwananga, kuti kwananga kuli kuzura mu charu chose ndipo munthu yose ngwakwananga. • Dango la Chiuta likutisuska ise kukwananga, Mazgu gha chiuta ghakuvumbura mphatukano iyo yilipo pakati pa ise na Chiuta, kwakuyana na utozi wake na kupelebera kwithu. • Mazgu gha Chiuta ghakupanikizgira za urunji, ghakuvumbura kuperebera kwithu pa kusunga dango la Chiuta na kuvumbura urunji wa Chiuta mwa Chipulikano kwizira mu nyifwa na chiuka cha Yesu Khristu. • Mazgu gha Chiuta ghakupanikizgira cheruzgo pakuvumbura ulato wa Chiuta wakweruzga chilengiwa chose, na cheruzgo chake pa Isirayeli na vyaru vyose, Mpingo, Satana na bangelo bake, bakufwa wose.

Chigawa Chakwamba: Chisambizgo Mwawufupi

2