Chizgoka na Ntchemo, Ulongozgi wa Msambizgi

/ 5 7

C H I Z G O K A N A N T C H E M O

7. Kasi Mazgu gha Chiuta ghakupanizgira wuli charu kucheruzgo? Pali kukoleranako wuli pakati pa cheruzgo cha Chiuta pa charu na uthenga uweme wa Yesu Khristu?

Mazgu gha kupanikizgira

Chigaba chachibiri

Rev. Dr. Don L. Davis

Muchigaba ichi, tilabiskenge pa nkhongono za Mazgo gha Chiuta pa kupanikizgira unenekso, kweniso kusambira na umo ghakusinthira umoyo withu na kaghanaghaniro kithu kwizira mwa Mzimu Mtuba. Mazgu gha Chiuta ghakuvumbura umuzati wa uvumbuzi wa Chiuta, Yesu Khristu, nkhani ya Ufumu nga mbusanisani wa chisambizgo cha Chiuta mu Baibulo lose, na urunji wa Baibulo chifukwa cha kukhwaskana kwake na Mzimu Mtuba pamoza na bakuphakazgika bake ba Chiuta, zintchimi na bapostole. Ukaboni wawo ukutipa ise Baibulo na mazaza ghake ghose pa chipulikano na kachitiro ka vinthu na kugomezgeka kwake kose pa makani gha cheruzgo. Ulato withu muchisambizgo ichi cha Mazgu gha kupanikizgira ngwakuti, pa umaliro wake mumanye kupulikiska unenesko na kuwuphara kubanthu kuti: • Mazgu gha Chiuta ghakutipanikizgira ise unenesko. Mazgu gha Chiuta ghali kuthutirika na Mzimu Mtuba na kubambikizgika na kwa Chiuta, mweneuyo ndi munenesko, uyo wangasintha chara nesi kuteta. Ntheura Mazgu gha Chiuta mbukaboni wa Chiuta wambura kuteta na wa unenesko. Ukupanikizgira unenesko wose, unenesko wa Chiuta, mlimo wake mu charu, na umaliro wa banthu wose. • Mazgu gha Chiuta ghakupereka kususkika kukuru chomene pa makani gha ulato wa Mazgu gha Chiuta: Uvumbuzi na wuthu na mlimo wa Yesu. • Mazgu gha Chiuta ghakupereka kupanikizgira pa ulato wa Chiuta mu Baibulo lose: Uvumbuzi wa Ufumu wa Chiuta na ulato wake. • Chiuta wali kukhazikiska Mazgu ghake. Ghakupereka kususkika kwizira mu nkhongono ya Mzimu Mtuba kufumira mu batebeti ba Chiuta, Zintchimi na Bapostole, awo bakapika utebeti wakwimira na kuyowoya mumalo mwa Chiuta na ulato wake.

Chisambizgo mwaufupi

2