God the Father, Amharic Mentor Guide

/ 9 5

እግዚአብሔር አብ

3. እግዚአብሔር ሕይወት አለው የሚለው የእግዚአብሔር ባህርይ ትርጓሜ ምንድን ነው? ሁሉን ቻይ የሆነው አምላክ “የማይሞት” ነው ማለት ምን ማለት ነው? መጀመሪያም መጨረሻም የሌለው የእግዚአብሔር ሕይወት “የማይጠፋ ነው” የምንለው በምን መንገድ ነው? 4. ሁሉን ቻይ የሆነው እግዚአብሔር አብ ስብዕና መሆኑን በመረዳት ውስጥ የተካተቱትን አንዳንድ ነገሮች ዘርዝር። የእግዚአብሔር ባሕርይ ከእኛ የሚለየው በምን መንገድ ነው? የእግዚአብሔር ባሕርይ ከሌሎች ራሳቸውን ከሚያውቁ ፍጡራን ጋር ስላለው ግንኙነት ምን ይጠቁማል? 5. ሁሉን ቻይ የሆነው የእግዚአብሔር አብ ተፈጥሮ ወሰን የለሽ ነው የምንለው በምን አይነት መንገዶች ነው? የእግዚአብሔር በህዋ ላይ ያለው ወሰን የለሽነት ስለ እርሱ ምን ይነግረናል? የእርሱ ወሰን የለሽነት ከጊዜ አንጻርስ? ከእውቀት አንጻርስ? ከስልጣን አንጻርስ? 6. ሁሉን ቻይ የሆነው እግዚአብሔር አብ የማይለወጥ እና የማይናወጥ ነው ማለት ምን ማለት ነው? እግዚአብሔር በማንኛውም መንገድ ሐሳቡን ይለውጣልን? ከሆነስ እንዴት? የተስፋ ቃሉን በተመለከተ የእግዚአብሔርን የማይለወጥ ተፈጥሮ ማረጋገጥ አስፈላጊ የሆነው ለምንድነው? ለሰው ልጆች ያለውን ፍቅር በተመለከተስ? የመዋጀት ዓላማውን በተመለከተስ? 7. የእግዚአብሔርን ታላቅነት ባህሪያት እርስ በርሳቸው በመመልከት ልንረዳቸው የምንችለው በምን መንገድ ነው? እነዚህን ኃያላን እና ታላላቅ የእግዚአብሔር አብ ባህሪያት ለየብቻ ሳይሆን በጋራ የምንረዳበትን መንገድ መጠቆም ትችላለህ? ይህ ትምህርት የሚያተኩረው በስላሴ ሶስትነት ባህሪ እና እንዲሁም በእግዚአብሔር አብ ታላቅነት ባህሪያት ላይ ነው። ስለ ሥላሴ አስተምህሮ ቅዱሳት መጻሕፍት የሚያረጋግጡት እግዚአብሔር አንድ መሆኑን እና ግን እንደ ሦስት የተለያዩ አካላት እንደሚገለጥ፣ ሁሉም የስላሴ አካላት አምላክ ተብለው የሚጠሩት እና የመለኮታዊ ተፈጥሮን ክብር የሚካፈሉ መሆናቸውን ነው። የሥላሴ የመጀመሪያ አካል የሆነው እግዚአብሔር አብ፣ ስለ ታላቅነቱ በኃይል እና በትክክል የሚናገሩ ባህሪያት አሉት። እግዚአብሔር አብ መንፈስ እንደ ሆነ፣ በራሱ ሕይወት ያለው፣ ትክክለኛ ባሕርይ ያለው፣ በመለኮታዊ ባሕርዩና ጠባዩ ወሰን የሌለው፣ የማይለወጥ ባሕርይ ያለው ነው። ³ የሥላሴ መሠረተ ትምህርት የሚያመለክተው መጽሐፍ ቅዱስ ስለ አምላክ ሦስትነት የሚናገረውን ትምህርት ነው። ³ እግዚአብሔር አንድ እንደሆነና ከአንዱ አምላክ በቀር ማንም እንደሌለ ቅዱሳት መጻሕፍት ያስረዳሉ፤ ሆኖም አንድ አምላክ ራሱን እንደ እግዚአብሔር አብ፣ ወልድና መንፈስ ቅዱስ እንደሚገልጥ ይናገራሉ።

3

ግንኙነት

የቁልፍ ጽንሰ ሐሳቦች ማጠቃለያ