Kurwa nkhondo ya Chipurikano

108 • Kurwa nkhondo yiweme ya Chipurikano

8. Tikwenera kuzizikika chara panji kutimbanizgika usange banthu bakureka kutipurikiska, kukanika, panji na kutinkhika wuwo chifukwa cha chipurikano chithu. Tikurondezga umo wakenda Yesu, mwene uyo wakakumana na vyose ivyo ise tikukumana navyo. Bazgani mavesi agha ndipo muzgore mafumbo ghakurondezgapo. a. Bazgani Yohane 15.18-21. Kasi ntchifukwa wuri charu chikutitinkha? b. Bazgani 1 Yohane 3.11-15. Kasi ntchifukwa wuri tikwenera kuzizwa chara usange charu chikutitikha? c. Bazgani Yakobe 4.1-7. Tichitechi kuti Satana watichimbire (uyo wakuwusa pa charu)? Kwakuyana na Mazgu gha Chiuta, Satana na banthu bara bakwamba bakamugarukira Chiuta na Ufumu wake. Kugarukira kwawo kukachitiska charu chose kuti chibe chakutayika. Kufumira pa kuwa kwa munthu kufuma mumawoko na muwuso wa Chiuta mura mu munda wa Eden, Chiuta warikupanikizga kuti wamutonde Satana na wuchigaruka wose ndipo na kuwezgeraso kwa iyo mweneko charu chose na muwuso wose. Ichi ndicho chifukwa Yesu wari kwiza mucharu kuzakamazga ubendezi na wuchigaruka wose uwo Satana wari kwiza nawo. Yesu wari kwiza kuti wawuskepo kwananga uko kukujandizga pakati pa munthu na Chiuta na kuwezgeraso kubanthu uwene na wene pakati iwo na Chiuta. Viwongo virute kwa Chiuta, chifukwa cha murimo uwo Yesu Khristu wari kutichitira pa mphinjika, mucharu ichi, Satana wari kuthereskeka, ndipo Ufumu wa Chiuta wuri kwiza ndipo uku perekeka kwa munthu wari yose uyo wamuzomera Yesu! Sono pakuti tapurikana na Yesu Khristu, tiri kusuturika na kufumiskika ku ufumu wa muchisi, wa Satana na kunjizgika mu Ufumu wa Chiuta (Bakolose 1.13). Tanjira munkhondo yiweme ya Chipurikano; tiri bankhondo. Tiri kuchemeka kuti tiyimire Ufumu wa Chiuta, na Yesu Khristu uyo ndi chatonda wa ufumu wa Satana na mawunyankhasi ghake ghose. Satana ndi murwani withu, wakurongozga mizimu yiheni iyo yikupenjerezga kunanga umoyo wabanthu kwizira mu mawuryarya na utesi. Charu ichi chakuwa na maruso ghake ghakunangika, vikutebeta mwakukoreranako na kutomboroka kwenekuko kuri mwa ise mwakuti timuwukire Chiuta. Tikuchiskika kuti tibe bakuziza na kufwasa apo tikurwa nkhondo iyi. Tikwenera kuba maso, bakutcheba, bakuntchintha na bakumanya kabiro na kachitiro ka murwani withu Satana ako nkhakukhumba kutipuruska nyengo zose. Tingamanya kumukanizga Satana pakwimikana nayo nyengo zose apo tikugomezga na kuthamira

Mwawufupi