Kurwa nkhondo ya Chipurikano

116 • Kurwa nkhondo yiweme ya Chipurikano

BaDada, mundipe chawanangwa chakamanyiro, mwakuti ndimanye kupambaniska visambizgo viweme na viheni. Mundirongore khumbiro linu kwizira mwa Mzimu Mtuba, nakundipase njubi yamoyo mwakuti ndimanye kuchita khumbiro linu na mtima wane wose. Ba Dada Chiuta, Chonde mundizgore kuba wakupurika lubiro, nakuba muzito kuyowoya, wambura kukwiya lubiro (Yakobe 1.19). Zomerezgani kuti mazgu gha kufuma mumiromo mwane na marunguruko gha mumtima mwane ghabe ghakupokerereka ka imwe. Zomerezgani kuti ndiyowoyenge unenesko winu na vinjeru mwakuti ndireke kukhubazga banthu kwene kuti bandipurikiske na kwandurapo kanthu kufumira muwunenesko winu. Mundisambizge muchisambizgo chinu apo nkhupokera mazgu na ntchisko yinu. Nkhupempha vinthu vyose ivi kwizira muzina la Yesu Khristu, Fumu na Mthaski wane, Amen. 1. “Kasi Mkhristu wari yose wakukhwaskika na nkhondo iyi? Ichi ntchambura kupurikiskika ku banandi!” Pakudumbirana upharazgi uwo Mliska wakapharazga dazi linyake, pa makani gha nkhondo ya uzimu, mkhristu munyake mweneuyo wakazgoka waka muchipurikano, wakamba kudumbirana na banyake pa makani gha nkhondo ya uzimu. Wakaba wakudonda na wambura kupurikiska umo vinthu vikukharira. Mubwezi wa Vitumbiko, zina lake Towera, wakapurikizganga kufumira kwa mubwezi wake apo wakamupharazgiranga na umo iye wakapokerera chiponosko, umo Yesu wari kufwira pa mphinjika mwakuti banthu baponoskeke kuzakwananga zawo, kutonda murwani na nkhongono zake, mwene uyo kwizira mukofya banthu na nyifwa wakabakora mkori. “Kasi ukuti wuri Vitumbiko? Kasi ukupurikana kuti tiri pankhondo?” Vitumbiko wakazgora kuti enya, ndimo Baibulo likuyowoyera kuti charu chose chiri pa nkhondo, nakutiso murwani wa munthu mweneko ndi munthu chara kwene Satana, mwene uyo utesi na uryarya wake vyapangiska banthu kuti bamugarukire Chiuta na kwamba kupwetekana pabekha – pabekha. “Ine kuti nkhugomezga makani agha chara, Vitumbiko. Kasi ukung’anamura kuti munthu wari yose wakukhwaskika na makani agha? Vinthu ivi ndivinonono kuvigomezga!” Kasi mungamovwira wuri munthu wantheura uyu kuti wapurikiske na kumanya fikepo kuti tiri pa nkhondo ya muwuzimu? 2. Utesi ndiwo ntchirwero chikuru chomene pacharu chapasi, icho chabwangandura vinthu vinandi chomene pacharu kuruska chirwero chinyake chiri chose pa charu.” Agha ndi mazgu gha nkhwantha ya vyamasambiro ya vyakusanda Mazgu gha Chiuta Rev. Dr. John Stott. Wakasambizga chomene pakang’anamuliro na katanthawuriro ka Mazgu gha Chiuta ndipo wakagomezga chomene kuti munkhondo ya uzimu mwene mumo mkhristu wari yose warimo,

Kukhwaskana