Kurwa nkhondo ya Chipurikano

118 • Kurwa nkhondo yiweme ya Chipurikano

Baibulo likuwoneska utesi wamurwani ngati ndi mivwi ya moto, ntchetu za murwani, iyo yingazimwika na chishango cha chachipurikano. Chipurikano chithu mwa Chiuta chikurongoreka ngati ndi chishango icho chingamanya kutivikirira kumurwani usange waponya mivwi yake. Yesu ndiyo ndi themba lithu, Chatonda mukuru, mweneuyo wakamutonda Satana mukuvivya kukuru chomene pa mphinjika na kuzguka kwake kubakufwa. Tikwima na kuvivya mukuvivya kwake kwa Yesu Khristu, Khristu Chatonda , Fumu ya mafumu, Yesu Khristu. Mwantheura, bakupurikana bose mbanthu bamuwuzimu, bankhondo ba Khristu, bakutonda awo bakumanya icho chikwiza munkhondo iyi yakurimbana na wutesi. Tikwenera kujitolera kaghanaghaniro ka kurwa nkhondo na kumutonda murwani withu, kumwimira Khristu na ntchindi zose pa vyose ivyo tikuchita, na kwima nganganga nyengo zose mu nkhondo ya uzimu apo tikumugomezga Chiuta na Mwana wake Yesu Khristu nga mbana bonda awo bakugomezga na kukharira waka bapapi umoyo wawo wose. Kwizira mwa iyo tingamanya kuyima na nkhongono zose pakukana utesi na mawuryarya wose agho murwani wakwiza nawo pakurimbana nase. Chifukwa chakuti chirwero chikuru chomene icho Satana wakutebeteska mbutesi, chirwero chithu chikuru chomene nkhukoreska unenesko nyengo zose na kukana kupurikira utesi, kukhara maso mwakuti utesi uleke kutitora mwamabuchibuchi. Chigaba chiri chose cha mahomwa ghithu, chikukoleranako na Mazgu gha Chiuta mwa Yesu Khristu. Ichi ndicho chifukwa tikwenelera kusambira za vivwaro ivyo Chiuta wari kutipa mwakuti kwizira mukusambira na kuchitachita kwithu timanye kumutonda Satana. Apo tikutebeteska maruso gha uzimu agha, nyengo zose tikusambira kuchita makora nga mbasirikari ba Khristu. Satana wakiza mu munda wa Edeni na kubapharira Adamu na Hava – ndipo kwizira mwa iwo, mazgu gha Satana ghari kukhilira kwa ise tose – ghakuti, “Mungamugomezga Chiuta chara, wakumubisirani vinthu viweme…mukwenera kujitolera mwekha mumawoko ghinu vinthu vyose mwakuti mumanye kuchita makora.”

~ John Eldredge. Epic: The Story God Is Telling . Nashville: Thomas Nelson, Inc., 2004, p. 55.