Kurwa nkhondo ya Chipurikano

148 • Kurwa nkhondo yiweme ya Chipurikano

nawo, ndipo wize na chiponosko chose. Chiuta mweneko wakujikhizga na kuyana na banthu mwakuti wize na chiponosko na kuwezgera ubare wa munthu na Chiuta na kumazga uheni kwamuyirayira. Pawumaliro, Yesu wize na Ufumu nkhuru wake mucharu. Mwantheura, Chiuta wakawuska mtundu wa banthu kwene kuko kufumirenge mweruzgi wa charu. Mwantheura, kwizira mwa Nowa, wakaponoska kufumira kukwananga kwake, kwizira mwa Abrahamu, wakujisorera mtundu umo mbewu yizirenge. Kwizira mwa Isake, wakurutirizga phangano lake kwa Abrahamu, na kwa Yakobe (Israyeri) mwene mumo wakuwuska charu cha Israyeri, kujisorera fuko mwene mumo wati wizirenge, fuko la Yuda. Kwizira mwa Mozesi, wakuwombora banthu bake kufumira kukutindibizgika na kubapa dango lake, kwizira mwa Yoshuwa, wakunjizga banthu bake mucharu cha phangano. Kwizira muberuzgi na barongozgi wakurabilira banthu bake, kwizira mwa Davide, wakupangana kwiza na Fumu kufumura mufuko lake mweneuyo wati wawusenge kwamuyirayira. Nanga wuri wari kupangana na banthu bake, banthu bachari kukhara mukugarukira nipera. Kugarukira Chiuta kukuchitiska kuti charu chitimbike munkhondo na banthu kutorekera kuwuzga. Mwarusungu lwake, wakubakumbuka na phangano lake, ndipo wakuzomerezga kuti bakuwombokwa bawerereso kucharu chaphangano. Mweneuyo nga ndi chatonda, wakiza kufumira kuchanya, mukukwaniriskika kwa nyengo na kuvivya kwizira pa mphinjika. Kwavirimika 400 kukaba waka chete. kwene, mukuzara kwa nyengo, Chiuta wakafiska phangano lake pakunjira mucharu chakuzura na uheni wose, kwizira mukubabika nga ndi munthu, kusuzgika na kukomwa nga ndi munthu. Kwizira mwa Yesu Khristu, wa kuNazarete, Chiuta wakiza kufumira kuchanya na kukhara pakati pithu, na kurongora Uchindami wa Chiuta, pakufiska khumbo la Chiuta kwakuyana na dango lake na nkhongono zake mu Mazgu ghake, milimo yake, na kuchizga kwake. Pamphinjika wakajitolera kugarukira kwithu na kukubwangandura pamoza na nyifwa, kumutonda Satana, na kuwukaso kubakufwa ghakati gharutapo mazuba ghatatu mwakuti wawezgereso chirengiwa kwa Chiuta pa kuchiwuskako kukuwa, kunkhondo, nakupereka umoyo wamuyirayira kwa wose awo bakupurikana nayo. Mwasono-sono wati wizengeso, kwiza kuzakawezgeska vinthu na kuvipanga kuba vipya. Wari kukwelera kuchanya ndipo wakukhara kuwoko lamaryero la Chiuta Dada wa nkhongono zose, Fumu Yesu Khristu wari kutuma Mzimu Mtuba mucharu, kupanga banthu bapya awo bari kupangika na bayuda na bamitundu, mu mpingo. Bakupika mazaza na ulongozgi wake, bakuchitira ukaboni mu mazgu na mkendero, uthenga uweme wa chiponosko na kuwezgekeramo kwa charu chose. Usange wamarizga murimo wake,