Kurwa nkhondo ya Chipurikano

Chiambizgo cha Chibiri Kujipereka kwithu • 31

wangamuwiskirani. Apo banthu banandi bakuyowoya na umoyo wamwa Khristu Yesu kuti ngwa uChizi na Chitemwa cha Chiuta pera pera, bachoko bakupurikiska kuti, Chipurikano chithu nkhunjira mukurwa nkhondo na Satana nyengo zose. Unenesko ngwakuti, kwamba pa nyengo yene iyo munthu wazgokera kukwananga na kupurikana na Yesu Khristu, banjira munkhondo yene iyo murembi munyake wakati, iyi ndi “nkhondo yikuru kuruska nkhondo zinyake zose.” Usange munthu wajipereka kwa Chiuta ndikuti umoyo wake wose ngwakukana uchenjezi na uryarya wa Satana., makhumbiro gha thupi, na viyezgo vyamutundu na mtundu. Vinandi vyamawutesi agha ndivyo vyatiwumba kuba icho ise tiri muhanya wuno. Kuba mukhristu nkhuba musirikari wa Yesu na kuba wakutinkhika chomene na Satana na mademoni ghake. Kasi imwe kufumira apo mukamuzomelera Yesu, mwawona kuti makani agha ngawunenesko? Muchisambizgo chajumpha ( Kabiro ako tasangikamo ), tikasambira kuti, nkhani ya Chiuta, chiponosko, iyo yiri kudumbika mu Baibulo, yikuzgora mafumbo ghakuru chomene agho ghakukhwaska umoyo. Kwene na umo makani agha ghariri ghakuzukumiska, nkhani iyi njakuyitegherezga waka chara kwene, ngati ndi umo banthu bakurabilira waka makanema nakurira ivyo bawonereranga. Pose apo tikupurika makani ghachiponosko na kuwezgeramo kwa chirengiwa na Chiuta mwa Yesu Khristu, tikwenera kupanga udumuriro wakukoleranako na Chiuta. Tikwenera kupokelera ukaboni wake uwo wuri mumakani agha na kuwuzomerezga kuba unenesko mwakuti wube ukaboni withu wa umoyo withu na withu ndipo tambepo kutorapo lwawnde munkhondo yiweme ya Chipurikano. Tikwenera kusintha lwande panji chigaba mwakujipereka pakujirembeska munkhondo ya Chiuta. Kwambura kurabiska kujenerezga kwa ise tabene, kwene pakurabiska uchizi wa Chiuta kwizira mwa Yesu Khristu mwene uyo wari kufwa mumaro mwithu, wakuchema wari yose kuti wajipereke pakunjira munkhondo iyi. Ntchemo ya chiponosko yikutichemeraso ku kurwa nkhondo. Kweniso ndi ntchemo yakutichemera kufuma ku umoyo wakujikhalira patheka, kukhala mwimiliri wa Chiuta, kufuma ku ufumu wa kumudima, kunjira mu ufumu wa kungweruka, kukhara umoyo wakumurondezga Yesu mu umoyo wakumurondezga Yesu mucharu chakwanangika. Usange murapa * zakwananga zinu na kuwerako ku umoyo wachigarukira, na kumupempha Chiuta kuti wamugowokereni kwizira mwa Yesu Khristu, Chiuta wati wamutozganinge na kumubikani muwubare wakwenerera na iyo. Mukunjizgika mu mbumba ya Chiuta, mu Thupi la Yesu Khristu, uwo ndi mpingo wake. Usange taponoskeka, Chiuta Mzimu Mtuba wakukhara mwa ise ndipo wakutipa nkhongono dazi na dazi mwakuti timanye kumuchindika Chiuta nyengo zose na kumutebetera Khrstu. Mzimu Mtuba

Chisambizgo

*Kurapa – Kurapa kukung’anamura kusintha kaghanaghaniro, kuzgoka kusintha kendero, na kwenda munthowa iyo Chiuta wakukhumba na kucha nayo. Apo mwarapa, mukupurikana na Chiuta kuti mwanguba munthowa na kachitiro kaheni ndipo mwasinthu nkharo yinu yakukana dango la Chiuta mwakuti sono muri mukabiro ka Chiuta na kumukondweska iyo.