Kurwa nkhondo ya Chipurikano

76 • Kurwa nkhondo yiweme ya Chipurikano

kutolera kwa iyo, ukhaliro withu ukozgane nayo, kutemwa banyithu ngati kuti Yesu wakukhara mucharu kwizira mwa ise. Tikuchemeka batuba mtima, batuba baChiuta mweneko, tiri kupika wutozi mwachipurikano chithu mwa Yesu, bakutozgeka kukwananga na ndopa za Yesu Khristu. Chiuta wakutitozga na kutizgora kuba bake na bake, mwakuti munthowa yiri yose pa umoyo withu – kaghanaghaniro kithu na kuwonero kithu kavinthu, kayowoyero, nkharo na ubare withu na banyithu – tikwenera kuwoneska banthu kuti tiri bake ba Yesu Khristu ndiposo nakuti Ufumu wake uwonekerenge mu charu kwizira mwa ise, mu Mpingo. Ise ngati mbanthu bakumugomezga Chiuta, tikwenera kukoreska utuba mtima uwo Chiuta wari kutizgora kuba, kwizira munyengo, kujikora, ivyo vikutovwira kuzgoka kuba icho Chiuta wari kutipanga kuba. Wari yose wa ise wakukhumbikwa kusambira kujikora na kujivikirira kuwutuba wose mwakuti timuchindikenge Chiuta mumathupi ghithu, pakuti Chiuta wari kutichemera ise ku umoyo wawuzukusi na mawudokezi na makhumbiro gha thupi chara, kwene ku umoyo wupya wene uwo ngwa utozi na wakutowa – umoyo wakumuchindika Chiuta. mwakusazgirapo, tiri kupika unkharamba (ambasadara) wa Yesu ndipo Chiuta wakuchema banthu wose kuti bize kwake kwizira mwa ise. Apo tikuphara kucharu za Yesu kuti ndiyo ndi Fumu na Mponoski wa charu, nakupereka umoyo wake kubanthu wose awo mbakupurikana, tingamanya kukhozgera uthenga withu na umo tikukharira, kwizira munkharo yithu, kayowoyero kithu, na machitiro ghithu gha vinthu. Sono ise pakuba nkharamba zake, tiri kuchemeka kuthuwuska makhumbiro ghake, kuyowoya mazgu ghake, nakuti tikhare mwakupambana na banthu wose awo bakureka kumumanya iyo. Mumaro mwakutolera ku charu chapasi, tikujirongora kuba banthu bakusinthika, na bakuyiwonga Fumu. Tiri nkharamba za Yesu Khristu. Tikufuratira vinthu ivyo ndi vyambura kumukondweska Chiuta, umoyo wakwananga na kukhara umoyo wakumukondweska Chiuta munyengo zose, kugabana na banthu umoyo uwo Chiuta wari kutipa mwa Yesu Khristu, Chiuta na Mponoski withu. Tiri bakutebeta pamoza nayo, bakupaturika na Chiuta mwakuti tipereke Uchindami kwa iyo kwizira munthowa zinandi izo wari kutipa. Tikwenera kutemwa na kutebetera banyithu, kuphara makani ghake na kubachemera banthu kuti banjire mu wupu uwu pamoza nase, chomene-chomene awo tikukhara nawo pamoza muchikaya chithu na mumbumba yithu.