Kurwa nkhondo ya Chipurikano

80 • Kurwa nkhondo yiweme ya Chipurikano

Nga mbana ba bakutemweka ba Chiuta mwachipurikano mwa Yesu Khristu, tiri kuchemeka kuti tikozgane na Chiuta kwizira mukutolera kwa iyo, kuti tibe ngati ndi Fumu yithu, na kupwelerera banyithu muchitemwa chake. Ngati ndi umo kukabira, tiri bamuthupi lake muno mucharu, ngati kuti wakukhara mwa ise, pano pacharu. Mwantheura, tiri kuchemeka kuba batuba bake ba Chiuta, bakurunjiskika mwa chipurikano mwa Yesu Khristu. Tiri kupaturiskika mwachipurikano mwa Yesu Khristu mwakuti tikhare umoyo wawutozi mwa Yesu Khristu. Tikwenera kutozgeka (kupaturiskika mwapadera chomene mwakuti Chiuta watitebeteske), mwakuti tirongore na kuphara kubanthu kuti tiri bake ba Chiuta na kuti nawoso banganjiramo mu mbumba ya batuba ba Chiuta usange bangazomera kusinthika na uthenga uwu. Mwawunenesko wose, Chiuta wari kutichemera ise kuti tikhare umoyo wakutayika wambura Chiuta na wawukazuzi chara, kwene wa utozi na wawurunji. Mwakusazgirapo pakuchemeka kuti tibe batuba ba Chiuta, tiri kupika unkharamba wa Yesu Khristu, kuyimira Yesu Khristu na Ufumu wake mu ubare withu na banthu, na mukabiro kithu. Tiri bakwimira Ufumu wa Chiuta, bamumbumba ya Chiuta, mwantheura, tiri kupika nkhongono kupharazga ku banthu za Ufumu wake muzina lake. Tikwenera kuchenjera chomene pakupereka uthenga uweme uwu. Tikwenera kupereka uthenga uwu mwakupurikikwa makora, mwawunkhwantha, na chikanga chose, mumazgu na mukendero. Kwizira mu uthenga uweme uwu, tikupereka umoyo, mzina lake, kwa wari yose uyo wakurapa na kupurikana. Kwizira mukujirongora na kujipereka kwithu ku chitemwa na kumirimo yiweme tikurongora umo Ufumu wa Chiuta ukwenera kubira. Kwizira mumakhariro ghithu, tikurongora kubanthu nkharo ya Chiuta, mwakuti fundo yakuti “wona ndipo phara” yikufiskika ku banthu pakuphara icho chikung’anamura kuba mu Ufumu wa Chiuta. Parije munthu uyo ndi murunji na nkharamba ya Yesu munkhongono zake na zake na mukhumbiro lake na lake. Khristu wakukhara mwa ise kwizira mwa Mzimu Mtuba, ndipo tingamanya kumuyimira na kumurongora kubanthu usange tikwenda nayo. Apo tikugomezga Yesu Khristu, ndipo tingamanya kumuyimira na kumurongora kubanthu wose mucharu makora yene. Ndondomeko izo mukwenera kubazga na kurangurukirapo kwakuyana na ivyo mwasambira ndi izi: The Oikos Factor (App. 10) Communicating Messiah: The Relationship of the Gospel (App. 19) Going Forward by Looking Back: Toward an Evangelical Retrieval of the Great Tradition (App. 16)

Mwawufupi

Ndondomeko