Kurwa nkhondo ya Chipurikano

90 • Kurwa nkhondo yiweme ya Chipurikano

na munyake mwa Khristu Yesu. Tikwenera kumanya bakhristu banyithu ndipo nawo bakwenera kutimanya nase. Tikwenera kupokerera banyithu muzinyumba zithu, kukhara pamoza na kusanda Mazgu gha Chiuta pamoza na kuchiskana mu Uzimu apo tikurondezga Yesu. Ngati mba Khristu tiri kuchemeka kuti tikhare umoyo wa chikhrsitu pamoza na banyithu, uku tikuzengana kwizira muvyawanangwa vithu, chitemwa, na kuba pawubwezi na banyithu, na mukabiro kithu. Kweniso, tikwenera kovwirana kuti tibe banthu bakutemwana na kuba na kabiro kaweme na kukana vinthu ivyo vingamanya kutirengeska ivyo tikavitemwanga kare apo tindazgoke na kwamba kwenda umoyo wachipurikano mwa Yesu. Apo tose tikuyezgeka kuchita kwananga, chiKhristu chikuba chambura ching’anamuro usange baKhristu bakukharaso mukwananga, vinthu ivyo Bapostore bari kuyowoya mumakarata ghawo – uzaghare, ukwakwa, udokezi, kutemwa vyamucharu na uzukusi vikwenera kuchitika chara pakati pa bakhristu. Unenesko wose, tikwera kufumako kuvinthu ivyo vikutinangiska, vyambura kutikhozga (vinthu ivyo vikutikhizga muchipurikano), vinthu ngati ukari, kuwezgera nduzga, sanje, kunangana mazina, na kuyowoya uheni. Ngati ndi umo tikasambirira muchisambizgo chajumpha, tiri kuzgoka na kuba batuba ba Chiuta, ndipo tikuchemeka nkharamba za Yesu Khristu kose uko tikuruta. Tiliriko kuti tizengane muchipurikano chithu, kubwangandurana panji kuwezgerana Nyuma chara. Tose tikwenera kovwirana kukura muchipurikano. Tikuzengana kwizira mukuromberana, kusambizgana, na kuchiskana mu Mpingo, pakurondezga barongozgi bithu apo tikusambira kufumira kwa iwo. Ngati mbakusoreka ba Yesu Khristu, tikwenera kurimbarimba kumurondezga Yesu, kutemwana, na kukhumbisiska kupenjerezga nthowa zakumurondezgera Chiuta na kukhara mu umoyo wakumutemwa Chiuta kweniso na banthu bake. Pachanya pavyose, chitemwa chithu pa banyithu chikwenera kurongora umoza na mawubare ghithu agho tiri nawo mwa Yesu Khristu. Pakuchita ntheura, tikwenera kufikapo pakumukondweska Chiuta nyengo zose.