Kutafsiri Biblia: Capstone Module 5 Swahili Student Workbook

1 7 2 /

K U T A F S I R I B I B L I A

Andiko letu linazungumzia namna mahubiri ya Neno la Mungu kuhusu Yesu Kristo yalivyopokelewa kwa shauku kubwa huko Beroya, na Luka, akizungumza katika nguvu za Roho Mtakatifu, anaeleza kwamba Waberoya walikuwa na roho nzuri zaidi kuliko watu wa Thesalonike. Tabia hii ya uungwana wa kiberoya ilikuwa ya aina gani hasa? Imeonyeshwa waziwazi katika andiko hilo, katika Matendo 17:11. “Watu hawa walikuwa waungwana kuliko wale wa Thesalonike, kwa kuwa walilipokea lile neno kwa uelekevu wa moyo, wakayachunguza maandiko kila siku, waone kwamba mambo hayo ndivyo yalivyo.” Waberoya walikuwa wanafunzi wenye bidii wa Neno kuhusu Yesu na Ufalme wa Mungu. Walipokea Neno la Mungu kwa shauku kubwa, kiu, njaa na usikivu wa hali ya juu, na badala ya kulichukua tu neno la Paulo na Sila kuhusu Maandiko Matakatifu na kwa habari ya Yesu, walijishughulisha na kujifunza maandiko kwa bidii wao wenyewe kila siku ili “waone kwamba mambo hayo ndivyo yalivyo.” Badala ya kuiona tabia hii ya kuhakiki maandiko kama iliyojaa mashaka au kutotii, Mungu aliiona kama roho ya uungwana, yenye shauku njema, yenye njaa, na inayostahili kusifiwa. Jambo lililo wazi hapa ni kwamba hakuna wenye mamlaka, hata mitume, wanaopaswa kuulizwa jambo na majibu yao kuaminiwa pasipo kuthibitishwa kwanza kupitia ushuhuda wa maandiko yenyewe. Hili linahusiana vipi na kazi yetu ya kufasiri Biblia? Ni jambo la kumshukuru Mungu kwamba maelfu kwa maelfu ya wasomi bora wa Biblia wametumia maisha yao yote kutafiti karibu kila nyanja ya Neno la Mungu, kuanzia na lugha za asili za maandiko hata kuandika kwa wingi juu ya takriban kila aina ya mada inayozungumziwa katika Biblia. Zana hizi zinapatikana katika mifumo yote, kimaandishi, kidijitali, mtandaoni, sauti, video—uwanja mzima wa kiteknolojia. Ingawa ni lazima tumshukuru Mungu kwa ajili ya thamani isiyopimika ya kazi na visaidizi hivyo, sisi, kama ilivyokuwa kwa Waberoya, hatupaswi kamwe kuruhusu wengine wahakiki maandiko kwa niaba yetu. Zaidi ya hayo, kamwe si vibaya kuthibitisha madai na mafundisho ya mamlaka yoyote ya kiroho, hasa ikiwa kusudi ni kuona kama mambo ambayo wanafundisha kweli yanaendana na mafundisho ya moja kwa moja ya Biblia yenyewe. Katika mawazo ya Mungu, kazi hii ya kuthibitisha ni ya kiungwana na ni moyo adhimu kuliko yote. Ingawa unafanya kazi kwa bidii ili kuelewa wingi wa zana bora za kujifunzia Biblia ambazo zinapatikana kwetu, hakikisha kwamba unahifadhi haki yako ya kukagua, kuangalia mara mbili, na kukagua mara tatu madai yote yanayotolewa kuhusu maandiko kwa kuyalinganisha na mafundisho ya moja kwa moja ya maandiko yenyewe. Hili ni jambo zuri na la kusifiwa, na daima litapata kibali na baraka za Bwana. Kuthibitisha neno la mtume kwa kusoma maandiko kila siku kunaitwa na Bwana kuwa ni «uungwana». Hebu tuuishi uungwana huo mara nyingi tuwezavyo,

4