Kutafsiri Biblia: Capstone Module 5 Swahili Student Workbook

6 8 /

K U T A F S I R I B I B L I A

hatua hizi za kujifunza kupitia Mbinu ya Hatua Tatu zinadai unyenyekevu, bidii, na uhuru katika kila hatua. • Kama watumwa wa haki chini ya ubwana wa Kristo, tumeitwa kulitii Neno lake katika kila nyanja ya maisha na huduma zetu, kwa hiyo, namna yoyote halali ya kutafsiri Biblia lazima ilenge katika kulifahamu Neno la Mungu kwa madhumuni ya kuleta badiliko katika maisha , na si habari ya kujaza taarifa akilini . Amini usiamini, kila mtu ana mbinu ya kutafsiri Biblia. Lakini sio mbinu zote zina faida sawa. Wengine hutumia mbinu ya ubashiri wa kidole. Hii inahusisha kufuata maelekezo fulani yanayodaiwa kuwa ya kiroho, kutafuta mstari fulani – kwa kawaida kwa kufumba macho – na kuchukua sehemu hiyo ya maandiko kama jibu au kweli iliyotolewa na Mungu. Tunaweza kucheka kusikia hilo, lakini mara nyingi tunapopuuza muktadha wa andiko, hatuna tofauti kabisa na mtu anayetumia mbinu ya kubahatisha andiko. Kisha kuna wale ambao wanasoma Biblia sana, lakini kamwe hawaonekani kupiga hatua kubwa sana katika kuielewa. Wanaweza kunukuu maandiko mengi tena kwa urefu sana, lakini wanapata shida kuelewa maana ya andiko. Wengine hufuata njia ya msukumo wa ndani. Wanasoma tu kile “kinachowasisimua” wakati huo, kana kwamba Biblia ilikusudiwa kuwafanya wajisikie vizuri daima. Watu hawa wote wana mifumo ya kutafsiri Biblia, na si vigumu kuona ni kwa nini mbinu hizo hazileti uzima wa kiroho. Kama matokeo ya mbinu hizi—ambazo kwa hakika kwa sehemu ni mbinu za kujifunza Biblia na kwa sehemu ni njia za kutafsiri Biblia—wengi wanaozitumia ni dhaifu kiroho na wamekatishwa tamaa ya kupata kitu chochote cha maana kutoka katika Biblia. Mazoea kama hayo hayaleti kamwe ukomavu katika kulitumia Neno la Mungu kwa namna yenye nguvu na iwezayo kuzaa matunda. Mbinu za kutafsiri zinaweza kuwa za kubahatisha au za kufuata mfumo mahususi, na hata kutafsiri kwa kufuata mfumo kunaweza kuleta manufaa, au kusiwe na faida na badala yake kukaharibu maana halisi ya Neno la Mungu. Shauku ya Mungu ni kwamba waamini wafike mahali ambapo wanaweza kusoma Biblia kwa namna yenye uelewa, uwiano na wepesi katika kuhusianisha andiko na andiko ili kupata ujumbe kamili wa Biblia. ~ Paul Karleen. The Handbook To Bible Study . (Electronic Ed.). New York: Oxford University Press, 1987. Kila mtu ana mfumo wa kutafsiri Biblia.

2