Kutanthaura Baibulo: Buku la Msambiri, Capstone Module 5 Tumbuka edition

1 1 4 /

K U T A N T H A U R A B A I B U L O

Mafumbo agha ghakalembeka mwakuti ghamovwireni kuweleramo visambizgo vya mu vidiyo. Nga ndi muchigaba chajumpha, muchigaba ichi namo tikuphara umo ndondomeko ya nthowa zitatu yikovwilira kusanga ching’anamulo cha Mazgu gha Chiuta, ndipo tikuyezgelera mlimo wake kwizira muvyakulemba vya Paulosi kulembera kubakorinto, mukalata wake wakwamba, chipaturo 9.1-14. Nga ndi luso lili lose, nthowa za kutanthaulira Mazgu gha Chiuta zingamanyikwa na kuzgobereka kwizira mukulimbikira na kubikapo lwana lose, kuzitebeteska, na kupokera kusambizgika kufumira awo bali kusambira makora kakolero ka Baibulo. Nthowa yakwamba pakukuzga luso ili nkhupulikiska nthowa zinandi izo ndi zachanduro pa kubazga, kusanda, na kutanthaura Mazgu gha Chiuta. Wereranimo pa ivyo mwasambira pakutebeteska mafumbo agha ndipo mubikepo mtima pa nthowa yeneko yeneko iyo nthowa yili kusambizgika mu vidiyo. 1. Kasi Ndondomeko ya Nthowa Zitatu pa kutanthaura Mazgu gha Chiuta njachanduro wuli pa kutanthaura Baibulo pa kulabiska vigaba vyose panji vigaba vya Baibulo (mazgu, vigaba, vipaturo, mabuku, lwande)? Muchiyerezgero chinu pachanya apo, kasi ndi vigaba wuli ivyo Paulosi wakunjirikizga Bakorinto mu chipaturo cha 1 Bakorinto 9.1-14? 2. Kasi ntchifukwa wuli ntchakuzirwa chomene nyengo zose usange tikwamba kubazga Mazgu gha Chiuta tikwenera kwamba na lurombo kupenjerezga vinjeru na ulongozgi kufumira kwa Chiuta? Tirombe wuli kuti kusambira kwithu kuleke kuba kwambura chanduro, kweniso kuleka kuba pempho lakupulikikwa pamaso pa Chiuta? 3. Kasi ntchifukwa wuli ntchinono kusanda na kupulika icho Mazgu gha kusambizga kwambura kuti Mzimu Mtuba watovwire ( 1 Bakor. 2.9 16)? Ndipo wuli, Kasi ntchifukwa wuli lurombo kwa Mzimu Mtuba kuti watilongozge, ndakukwanira chara palekha, pakuwuskapo kubazga na kujipasa nyengo yose kusanda Mazgu gha Chiuta nga ndi umo ghali kulembekera? Longosorani zgoro linu. 4. Kasi ndi vyombo/mahomwa wuli agho tili kutebeteska pa stepu yithu yakwamba pa kutebeteska ndondomeko ya nthowa zitatu ya kutanthaura Mazgu gha Chiuta pakulabiska pa kusanda na kujima 1 Bakorinto 9.1 14? Kasi vyombo ivi vikutovwira wuli kupulikiska umo vinthu vikabira kale apo Baibulo likalembekanga mwaka, mwachiyerezgero, ivyo Paulosi apo wakalembanga wakakhumbanga kuti banthu bapulike na kumanya. Ntchivichi icho Paulosi wakakhumbanga kuphara ku bina Korinto mukabiro kawo na kawo?

Chigaba chachibiri

Mafumbo kufumira kubasambiri na Mazgoro ghake

2