Kutanthaura Baibulo: Buku la Msambiri, Capstone Module 5 Tumbuka edition

1 1 8 /

K U T A N T H A U R A B A I B U L O

³ Usange tamalizga kulabiska pa vyakulembeka na fundo zake izo tatolapo, tilute pa stepu yachitatu ya ndondomeko ya nthowa zitatu iyo ndi ulato withu kuti titolepo lwande pa kutebeteska ivyo tasambira pa umoyo withu, mwakovwirika na Mzimu Mtuba. Kutebeteska ivyo tasambira ntchinthu icho chikulongora khumbiro lakufumira mukati mumtima nga ndi umo Mzimu Mtuba wakulongozgera. Vikukhumba kunozgeka na kuzomerezga kupulikira khumbiro la Chiuta. ³ Kutanthaura kuli kwa Mazgu gha Chiuta kuli kose kuliko kuti bakhristu bakhozgeke mwa Yesu Khristu, mwantheura kusinthika kuli kose pa mitu iyo yili kudidimizgika mu Baibulo lose kuliko kuti ise tikhore na kukura mu uzimu. Kumutemwa Chiuta na mzengezgani wako, kutebeteska wanangwa withu kumuchindika Chiuta, vikupanga vikupanga ntchindamira ya vikhomo vya chipangano chakale na chasono. Sono ndi nyengo yakuti mudumbirane na banyinu ivyo mwasambira, kuzgora mafumbo agho muli nawo pakapulikiskiro kinu chisambizgo cha ndondomeko ya nthowa zitatu za kutanthaulira Mazgu gha Chiuta na kupanga Bible Study (Bibulo Sitade) munthowa yakwenelera. Mtundu wa ubare withu pakati pa kaghanaghaniro kithu, nthowa za kubazgira na kusanda Mazgu gha Chiuta, Mzimu, vyakutebetera, bakhristu banyithu, na balongozgi bithu, bakukhumba kungweruskika na vinjeru. Basambiri, batebeti mu mpingo, baliska na bapharazgi na banthu waka, balimba – limba pakuzgora mafumbo gha katanthauliro ka Baibulo kwa vilimika na vilimika ndipo sono ndi mwabi winu kuti namwe munjire mu wupu wakupenjerezga zgoro. Tebeteskani mafumbo agha pakwamba ulendo winu namwe pakusambira kutanthaula kwa Mazgu gha Chiuta. * Pakulabiska nthimbanizgo zose na nkhayiko izo zapangika na nthowa za lero pakatanthauliro ka Mazgu gha Chiuta, kasi tibe bankhayiko pakutebeska nthowa izi, kusazgirapo Ndondomeko ya nthowa zitatu zakatanthauliro ka Mazgu gha Chiuta? Kasi tingamanya wuli kuti nanga ndi nthowa iyi nayo yingamanya kunangika na kupereka mazgoro ghambura kwenelera na kususkana na chisambizgo cheneko cha chikhristu? * Kasi tingayowoya wuli kuti kutebeteska nthowa ngati ya ndondomeko ya nthoa zitatu ndi kawungweru waka ako kabikikako kupatulika ku fundo yakuti “uleke kugomezga kaghanaghaniro panji kapulikiskiro kako” (Zintharika 3.5-6)?

2

Kutorapo lwande na vyakulondezgapo vyake