Kutanthaura Baibulo: Buku la Msambiri, Capstone Module 5 Tumbuka edition

/ 1 3 3

K U T A N T H A U R A B A I B U L O

Zintharika 3.6 Mu milimo yako yose ukumbukenge Fumu , ndipo iyo wati wanyoroske nthowa zako. Zintharika 8.17Nkhutemwa awo wakunditemwa, ndipo awo ŵakundipenja na mtima wose ŵakundisanga. Luka 11.13 Usange imwe mwa ŵaheni, mukumanya kuŵapa ŵana ŵinu vyawanangwa viweme, asi chomene kwakuruska Ŵawiskemwe ŵa kuchanya ŵati ŵaŵapenge Mzimu Mutuŵa awo ŵakuŵaromba?” Yakobe 1.5 Kweni usange munyinu yumoza wakusowerwa vinjeru, wakwenera kuromba kwa Chiuta, ndipo iyowati wamupenge , chifukwa iyowakuwapira banthu wose mu wanangwa , ndipo kuti wakumutombozga muntha chara. Ichi ndicho chifukwa icho Chiuta wakayowoyera mu ntharika. Kwa awo bakabavye khumbiro lakupenjerezga khumbiro na maghanoghano gha Chiuta, ntharika yilije ching’anamuro, kwa ndi lizgu lambura ching’anamuro lambura kubapa nkhumbi. Kwa awo bakapenjanga ching’anamuro na kuba na njara ya unenesko, ntharika yikaba yakovwira pakubachemera kukukhumba kupulikiska na kujima chomene Mazgu gha Chiuta. Kwa awo mbambura khumbiro la kufufuza, Mazgu gha Chiuta agho ghali muchizgezge ndi Mazgu agho ghakugongoweska na kujara umanyi, nga ndi umo ghayowoyekera pa MaSalimo 78 muchisambizgo cha Fumu yithu Yesu Khristu: Mateyo 13.13 Ndicho chifukwa nkhuŵayowoyera mu zintharika. Pakuti nanga ŵakuwona, kuti ŵakuwoneska chara, nanga ŵakupulika kuti ŵakupulikiska chara nesi kumanyiska. Mateyo 13.34-35 34Yesu wakayowoya vyose ivi ku mzinda wa ŵanthu mu zintharika. Kuti wakayowoyapo kanthu chara kwambula kuti wayowoyere mu zintharika. 35Wakachita ntheura mwakuti ghafiskike mazgu gha nchimi agho ghakuti, “Nditi ndiyowoye nawo mu zintharika. Nditi ndiyowoye ivyo vili kubisika kufuma ku mutendeko wa charu.” Mariko 4: 34 Iyo kuti wakabayowoyeranga kanthu chara kwambura ntharika. Kweni ku udesi ndiko wakabafwatuliranga vyose basambiri wakhe. Baibulo ndi charu cha mzgezge na ntharika yili yose, vimanyikwiro, na vinthanguni ivyo vikuyimira ntchemo yakuti tifufuze khumbiro la Chiuta kwakuyana na unenesko. Ntheura, zani tendere lumoza pa ulendo uwu ndipo tipenjerezge unenesko wa Chiuta mukati mucharu ichi cha vyamuchindindi.

3