Kutanthaura Baibulo: Buku la Msambiri, Capstone Module 5 Tumbuka edition

/ 1 5 9

K U T A N T H A U R A B A I B U L O

Umoza mu Kupambana kwa Mazgu gha Chiuta

Apo tikuwona umoza wa Mazgu gha Chiuta, tikweneraso kulabiska kupambana kwake . . . Ichi chikutora nthowa zinandi waka. Mabuku gha Baibulo ghali kulembeka na balembi bakupambana – pambana, mumalo na munyengo yakupambana, kubanthu bakupambana, vyakuchitika vyakupambana, pakutebeteska nthowa zakupambana. Ntheura Buku lili lose likulongora ulato na mitu yakupambana. Munthowa zinyake, vigaba vinyake vyamalemba vikukozgana chomene na vinyake mwakuti tingamanya kuphara ubare wake na kuwona kuti ndi vinthu ivyo vili kulembeka mwakuyana waka. Buku la Marango gha Chibiri likupharaso mwakuwerezgapo marango agho ghali mubuku la Kufuma na bina Levi mwakuti banthu bakumbuskike dango ilo lamkubavwira kukakhara makora mucharu cha layizgano. Midauko yikupharaso vigaba vyakuzirwa vya mbiri ya layizgo la Chiuta, na kusazgirako, kuwuskako, na kulembaso mwakupereka ungweru pa charu na ufumu wa Yuda, mafumu ghake, tempile, na utebeti wa bsembe. Buku lili lose la Uthenga uweme likuphara pakweru palekha – palekha na mwakupambana na umo likumuwonera Yesu, utebeti wake, apo 2 Petrosi likuwoneka kuti likupharaso na kulongosola mwanthowa yinyake ivyo Yuda wali kuphara pakususka wupu wupya wa basambizgi batesi. Kufumira mu buku la C. L. Blomberg. “The Unity and Diversity of Scripture.” The New Dictionary of Biblical Theology. T. D. Alexander, ed. (electronic ed.). Downers Grove, IL: InterVarsity Press, 2001.

3

I. Kutanthaura Mwapadera na ching’anamuro cha nthowa ya Kuphara (Kupataura)

Chigaba chachibiri cha Vidiyo Ndondomeko

A. Kutanthaura Mwapadera

1. “Kutanthaura Mwapadera”: Marango na ndondomeko yake ghakutizomerezga kutanthaura kabiro ka vyakulembeka vya mu Baibulo