Kutanthaura Baibulo: Buku la Msambiri, Capstone Module 5 Tumbuka edition

1 8 0 /

K U T A N T H A U R A B A I B U L O

Kubambikizga

Chisambizgo ichi chikulabiska chomene pa utebeti na katebeteskero ntchito ka kalembero ka Baibulo pa kutanthaura Baibulo. Fundo izo zaperekeka pasi apa zikuphara mwaufupi fundo izo zasambizgika mu chisambizgo ichi pa makani gha kuzirwa kwa kusanda pakulabiska kalembero ka makani muBaibulo. Fundo izi zikuphara mwaufupi fundo zikuru – zikuru pa nthowa ya kutanthaula mwapadera. ³ Nthowa yakalembero yili yose yikupenjeka kuti kutanthaura kwake kulondezga marango ghake na ghake kwakuyana na kabiro kake. ³ Kutanthaura mabuku gha Baibulo kwakuyana na umo ghali kulembekera kukwenera kwamba na kulabiska na lwana pakupulikiska makora vyati vya kutanthaura, ivyo vikukhozga kuti Baibulo pa chake ndi buku la nkhani, leneliro lili kukhozgeka na marango gha kalembero ka kuphara, nga ndi umo ghali kulembekera mabuku ghanyake ghose, ndipo Chiuta wali kutebeteska mphambano ya kalembero kakupambana – pambana na kapulikiskiro ka banthu munthowa yawo na yawo pakupereka makani ghake kubanthu. ³ Pali nthowa na mitundu yinandi zakalembero mu Baibulo. Nthowa izi zikukhwaska nthowa yakuphara (Mbiri na vidokoni), dango (kulembeka kwa dango), Makalata, Uchimi (kusazgirapo Apokalipto), mabuku ghavinjeru (pali zintharika, kupataura, vinthanguni, makani, ntharika, vyakubisirizgika), kweniso ndakaturo. ³ Kupambana kwa kalembero kulipo chifukwa chakuti cha ulato uwo mlembi wali nawo kwa awo wakubalembera kweniso mwakuti wakuzge kapulikiskiro kithu pa ivyo tikuwona na kujumphamo mu umoyo withu. Tikovwirikaso kuti tiwone na kupulikiska unenesko pakuwuwona na umo ukuphalikira nga ndi umo uliri mukamanyiro ka banthu na umo bakakhaliranga, midauko yawo, maluso ghawo na vipulikano vyawo. Kweniso kuti Chiuta wajilongore ukuru wake na mlimo wake mcharu. ³ Usange tikupwelereramukalabiskiro kithu pa nthowa izo zili kutebeteskeka pa kalembero ka maBuku gha Baibulo na kulondezga marango ghake pa katanthauliro ka Mazgu gha Chiuta, tingamanya kusanga chanduro chikuru chomene mu katanthauliro ka Mazgu gha Chiuta; kusanda nthowa yakalembero chingativwira chomene mukupulikiska kwithu Mazgu gha Chiuta; tingamanya kupulikiska ulato wa mlembi, kutikhozga apo tikusanga ching’anamuro cha malemba pa umoyo withu, kutisambaziska na kutichiska kwizira mu umanyi wa malemba, kutingweruska mu umanyi wa ulato wa Chiuta na khumbiro lake.

Fundo zikuru – Zikuru mwaufupi

3