Kutanthaura Baibulo: Buku la Msambiri, Capstone Module 5 Tumbuka edition

/ 1 8 3

K U T A N T H A U R A B A I B U L O

* Kasi ntchifukwa wuli ntchakwenelera kutebeteska ndondomeko ya nthowa zitatu mwakukoleranako na nthowa ya kupambana kwa kalembero ka Mabuku gha muBaibulo na marango ghake pa kutanthaura Mazgu gha Chiuta? Kasi pali mitundu yakalembero iyo ndondomeko ya nthowa zitatu yikutondeka kutebeta nayo? * Kasi mukutorapo nyengo wuli pakubazga mabuku gha makani/nkhani na mabuku gha Uchimi? Pakuwona kuti nthowa izi ndizo zikutora lwande likuru chomene pakalembero ka Baibulo, kasi imwe mukuwona kuti mukutorapo lwande na lwana lose na umo mukubazgira Mazgu gha Chiuta panji mukughareka waka kwambura kufiska mlimo uwu nga ndi msambiri wa Mazgu gha Chiuta? * Kasi pali nthowa yili yose yakalembero ka Baibulo ako mwatemwa kuyitebeteska chomene kuluska nthowa yinyake yili yose? Kasi ntchifukwa wuli mukubika lwana lwinu pakachitiro aka? Kasi njipusu kupulikiska, njakumunozgerani pakuyisambira, panji pali chifukwa chinyake chili chose? * Kasi mukutora nyengo yinandi wuli kubazga ma buku gha Ivangeli na kulabiska nkhani za ntharika izo zili mukati mwake? Kasi mukughanaghana kuti usange mungapulikiska makora umo nkhani zikutebetera, muti musinthenge kachitiro kinu na kusazgirapo nyengo pakabazgiro na kusanda Mazgu gha Chiuta pakulabiska chomene mabuku agho muli nkhani, mwacheyerezgero, Mlimo ya Bapostole na nkhani zinyake? * Pakulabiska masachizgo na fundo izo zikuyowoyeka muchisambizgo ichi pakuphara makani kwizira mukuphara, kasi pali fundo izo zikuwoneka kuti zikuyowoyeka mwakusazgirapo panji mwakupelebera ndipo zambura unenesko? Longosorani fundo zinu usange ndi ntheura ndipo kasi mungandura wuli umo imwe mukukhumbira kuti ndimo vinthu vibire kwakuyana na chipulikano chinu? * Kasi muli kusambirapo makani gha Uvumbuzi na Apokalipto mwa lwana lose pambere mundafike pakusambira uku? Kasi pali vyakukhumbikwa wuli vyakuti muchite pambere mundayambe kusambira kalembero aka? Mukuwona kuti suzgo linu ndakuti wuli pasono?

3