Kutanthaura Baibulo: Buku la Msambiri, Capstone Module 5 Tumbuka edition

/ 1 9 5

K U T A N T H A U R A B A I B U L O

Ŵanthu ŵanandi mu Bereya ŵakupulikana 10Kukati kwafipa, ŵakhristu ŵanyawo ŵakatuma Paulosi na Sila kuya ku Bereya. Ŵakati ŵafika, ŵakaya kanjira mu nyumba ya kusoperamo ya ŵaYuda. 11Kweni ŵaYuda aŵa, ŵakaŵa ŵa nkharo yiweme kuruska ŵara ŵa mu Tesalonika, pakuti ŵakaghapokerera mazgu na phamphu lose. Ndipo zuŵa na zuŵa ŵakasandanga Malembo kuti wawone usange vinthu ivi vikaŵa nadi ntheura. 12Ŵanandi mwa iwo ŵakapulikana, pamoza na ŵanakazi ŵakumanyikwa ŵaGriki ŵanandi na ŵanarume wuwo. Mukukhumbisiska kwithu kuti tipulikiske ulato na khumbiro la Chiuta na ndondomeko yake kwizira mukutanthaura kwithu Mazgu gha Chiuta, ntchipusu chomene kuti titondeke kukora icho ntcheneko chifukwa chakulondezga muzira wambura chanduro chifukwa chakukora tunthu tuchoko – tuchoko na kuleka icho ntcheneko icho Chiuta wakukhumba kutiphalira ta banthu. Kasi ntchinthu wuli icho ntchakuzirwa chomene kufumira mu Mazgu gha Chiuta icho mweneko wakukhumba kutiphalira? Kasi ulato withu ngwakuti tikhorweske banthu pa ivyo tikumanya kufumira mukubazga kwithu Mazgu gha Chiuta? Kasi tikutemwa kuchenya banthu Pachifukwa chakutondeka kwawo kutanthaura Mazgu gha Chiuta chifukwa balije kumanya ching’anamuro cha mazgu gha pakudankha agho Baibulo likalembekeramo, panji kutondeka kumanya mbiri na kalembekero ka Baibulo? Kasi tikukondwa chomene na kuba na lumbiri lwakuti tiri banthu bakumanya chomene ivyo Baibulo likuyowoya, munthu mweneuyo banthu bakutemwa kwiza na kusambirako kufumira kwa ise chifukwa tikumanya vinandi vya Mazgu gha Chiuta? Panji tikupenjerezga chomene kuti banthu bakhorwe nasi pa ivyo tikuyowoya na kuzukumiska banthu pa iyo tikumanya pa vyamchindindi vya Chiuta? Khumbiro ili likusangika mukubazga na kusanda kwithu kwa Mazgu gha Chiuta, ndipo ntchakukondweska chomene kuti Baibulo pa ilo lene likutipa ise nthowa yakabiro kaweme kakachitiro pakatanthauliro ka Mazgu gha Chiuta. Mumalo mwakukhumba kukhorweska banthu panji kubaluska mukachitiro kithu ka Mazgu gha Chiuta, tikwenera pachanya pa vyose kufikapo pakumanya Mazgu gha Chiuta. Mukayowoyero kanyake, tikwenera kutora nyengo kubazga na kusanda chomene Baibulo. Kwakuyana na umunthu wa Yesu Khristu, ufumu wake, tikwenera mwantchindi zose kuwelera kukubazga na kusanda Baibulo na kusanga icho Mazgu gha Chiuta ghakung’anamura. Tikwenera kutemwera chara, kusanga mazgoro ghautesi chara, kulondezga visambizgo vyautesi chara panji kukondweskeka na kawonekero na vilongolero vyakuwaro vya banthu banji. Muvinthu vyose vya uzimu, tikwenera kupenja mazgoro gheneko kufumira mu Mazgu gha Chiuta pa ivyo ghakuyowoya.

4