Kutanthaura Baibulo: Buku la Msambiri, Capstone Module 5 Tumbuka edition

/ 1 9 9

K U T A N T H A U R A B A I B U L O

bakupulikana. Chikuchitikaso chomene kuti banthu bakugomezga banthu awo bali na vyawanangwa pakusambizga ivyo iwo bakupulikana na kugomezga pa chinthu chinyake na chinyake. Banji bakugomezga kuti kutebeteska mabuku, kuleka kutebeteska balongozgi na basambizi, vingiziska nthimbanizgo, kupatukana, kwandaniska visambizgo vyautesi kweniso kutinkhana mumpingo. Bali na suskano lakuti, usange mukhristu wali yose wali na mazaza pa iyo yekha pa katanthauliro ka Mazgu gha Chiuta, tingamanya wuli kutorapo fundo na kusanga icho ntchikhristu cheneko? Kasi imwe mukuwonapo umoza wuli pakati pa kutebeteska mabuku na kugomezga vyawanangwa pakusambizga na kukhozga mpingo? Kasi ndi nthowa nji iyo njiweme kwakuruska yinyake? Chakovwira chomene ndi ntchini pakati pa kubazga Mazgu patekha panji pakuba yumoza wa mpingo wa Chiuta? Nanga ndi Madazi ghano apo tili na mwabi wakusanga Baibulo muviyowoyero vinandi kufumira muvyakulembeka vyakugomezgeka chomene, bakhristu banandi chomene bachali na nkhayiko chomene pa kung’anamulika kwa Baibulo mu viyowoyero vinandi ivi. Pakulabiska vinthu ivyo vikuchitika pakati pa banthu awo bakung’anamura Baibulo, banthu aba na mawupu ghanandi bakugomezga kuti Mazgu gha Chiuta ghali kutimbanizgika na kang’anamuliro kapya aka. Ntchigomezgo chawo kuti kukhwaskika chomene pa nkhani za kuyanana pakati pa balume na banakazi, midauko, na mphindano pakati pa kupambana pa vigomezgo vya banthu ndivyo vili kunanga kang’anamuliro ka Mazgu gha Chiuta mwakuti kang’anamuliro kasono kali na masuzgo ghanandi chomene na kupangiska kuti ching’anamuro cha Mazgu gha Chiuta ghasinthike. Nanga wuli utunduzi uwu ukuyowoyeka mwakusazgirako chomene, kukuwoneka kuti vyakuyowoya ivi ndi vyaunenesko chifukwa banandi bakudandaura mwantheura. Kasi imwe mukuwona kuti mwabi waperekeka chomene pa kulabiska pa kulunjiska chomene kang’anamuliro kapya mwakuti bakunozga kang’anamuliro kakale mwakuti muwiro wasono umanye kubazga makora Baibulo? 3 Kung’anamulira kwa sono nkhwakunangika

4