Kutanthaura Baibulo: Buku la Msambiri, Capstone Module 5 Tumbuka edition

/ 2 0 1

K U T A N T H A U R A B A I B U L O

• Vyombo vyakwambilira pa katanthauliro ka Baibulo vikusazgako, Baibulo lakung’anamulika makora, Baibulo la muchigriki na Chihebere, konkodanse, na mabuku ghakulongosora malemba (commentaries) agho ghakulabiska paching’anamuro cha mazgu gha Chiuta. • Baibulo lili kulembeka muviyowoyero vitatu (Chiheberi, Aramaik, na chigriki), mwantheura tikwenera kuba na Baibulo ilo ndakung’anamurika makora muchiyowoyero chithu. Chifukwa chakupambana viyowoyero, mazgu, ching’anamuro cha mazgu na kalembekero, midauko, na kupambana kwa vyakuchitika na nyengo, kupambana kwa kaghanaghaniro kabanthu awo bakung’anamura Mazgu gha Chiuta, vikupangiska kuti kung’anamura Baibulo kukupambana chomene. • Kung’anamulira kwasono kunandi kuli kufumira mu vyakulembeka na maukaboni ghakwenelera ndipo ghali kulembeka makora, kufufuzika mwakwenelera, ndipo ndi viweme chomene kwa msambiri wa Mazgu gha Chiuta. • Pa vyombo vykwambilira pali, konkodanse, umo muli kulembeka mazgu ghose agho ghali mu Baibulo na uku ghakusangika mwamndandanda wake ndipo Lekisikoni yikupereka ching’anamuro cha mzgu nga ndi umo ghali kupelekekera pa vesi lili lose mu Baibulo. Dikishonare ilo likulongosora ching’anamuro likuphara na kupereka ching’anamuro cha lizgu na visambizgo vya Baibulo. • Dikishonare la Baibulo likuphara mbiri, malo, midauko, sayansi, na umanyi wakufumira muvisambizgo vyakukhwaska banthu, malo, vinyama, na vilengiwa ivyo vikusangika mu Baibulo kweniso kuyowoya mwaufupi makani gha buku lili lose la mu Baibulo pa ivyo likuowoya. • Mabuku ghakulongosora kajimiro ka Malemba ghakupereka maghanoghano gha nkhwantha pa ching’anamuro cheneko cha Mazgu nga ndi umo ghali kulembekera pamtendeko, kusazgirapo kalembekero kake na ivyo vili kusangika pa kufufuza ching’anamuro cha malemba. Vikusazgirako makani ghakufumira mu mbiri na midauko kufumira umo banthu bakakhaliranga mu charu cha mu Baibulo ivyo vikupereka nkhongono pa kung’anamulira Baibulo. • Nanga wuli pali vyombo, tikwenera kutebeteska vyombo ivi mwawangwa chomene, kweniso tikwenera kumanyaso kuti katebeteskero kaweme katovwirenge kuti tisange ching’anamuro cheneko cha malemba kwambura kuleka kulabiska kuzirwa kwake.

4