Kutanthaura Baibulo: Buku la Msambiri, Capstone Module 5 Tumbuka edition

/ 2 4 5

K U T A N T H A U R A B A I B U L O

bose kusambira chiyowoyero cha muBaibulo panji tibike chomene mtima withu pa visambizgo vyakukura mu umoyo wa uzimu? Kasi chiyowoyero chikwenera kutebeteskeka wuli ndipo masambiro gha Baibulo ghakwenera kutorapo lwande wuli pa umoyo withu na bakhristu banyithu mwakuti timanye kusanga unenesko kufumira mumalemba nga ndi umo ghaliri? Kumanya pachoko waka ntchinthu chakusuzga chomene kuruska kubavyirethu umanyi na pachoko pose? Tabanandi takomwa chomene chifukwa cha banthu awo bakutisuska pa ivyo ise tili kupulikana. Kwizira mukufumbika kuti kasi mukumanyapo nkhwantha pa Mazgu gha Chiuta ngana ngana ndipo ise tikuwoneka kuti tikumumaya chara. Bakwamba kutiphalira na umo iwo bali kusinthikira chifukwa cha uvumbuzi uwo wuli kwiza kwa iwo chifukwa cha nkhwantha yira. Pakuwona vyose ivi, munthu ukuwona kuti iwe ndiwe wakukhalira kunyuma chifukwa ulije kumanya usambizi wasono uwo banandi bali kukoreska. Ndipo usange namwe mwapulikizga visambizgo vya nkhwantha yira, ndipo mwakumanaso na munyinu yura, mukujara vidumbirano vira mwakachetechete. Pakupulikizga visambizgo vila mukusanga kuti suzgo likuru chomene pa kwandaniska visambizgo pali kusangika kuti utesi na ujira vikwandana chomene kuruska unenesko. Apo banthu banandi sono bakujipa bekha kuti mbakuphakazgika na Chiuta, banthu banandi sono bakujipasa bekha ma udindo ghakuru – ghakuru ndipo banji bakutya mazina nga Bishopu, Profeti, Mpositole na ghanji ghantheura agha. Bakuphalira banthu ivyo bakuti Chiuta wabavumbulira na kubalongora panji kubaphalira. Banthu banandi ba wupu uwu bakujiyimira pabekha, ndipo bali pasi pa ulongozgi wa munthu wali yose chara. Vyose bakujipangira pabekha mwakuti kulije munthu uyo wangabasuska panji kubanjirikizga mwakuti baleke kuwa mukwananga. Kasi tingamazga wuli kachitiro aka, apo banthu banandi bakujiphara kuti mbakuti bakuti ndipo vyose bakumazgira pa iwo bekha kwambura wakubasuska panji kunjirikizga? 4

4