Kutanthaura Baibulo: Buku la Msambiri, Capstone Module 5 Tumbuka edition

/ 6 3

K U T A N T H A U R A B A I B U L O

Mbakhristu pera awo bakupwelerera

Mliska wakapokera mafumbo kufumira kubalongozgi baMpingo wake kuti, “Baliska mwakhara mumpingo withu muno kwa vilimika vinkhonde, kwene kuti muli kusambizgapo chara makani gha kuzirwa na kugomezgeka kwa Mazgu gha Chiuta, katanthauliro kake na kuthutilika kwake, kasi ntchifukwa wuli mundasambizgepo? Wakazgora wakati, “Kuti nkhuleka kukhumba chara kusambizga, panji kuti nkuleka kugomezga chara kuti Mazgu gha Chiuta ngakugomezgeka. Nkhugomezga nadi. Suzgo ndakuti, banthu awo bakukhumba kupulikizga makani gha kugomezgeka kwa Mazgu gha Chiuta, mbakughagomezga kale. Umo ndakhalira mu utebeti wane, ndawona kuti mbanthu bachoko chomene awo balikuzgoka kwiziramukudumbirana na kususkana pa makani ghakuti kasi minthondwe yichali kuchitika na kuno kulero, kuthutirika kwa Baibulo na kuphakazgika kwake. Banandi bakukhorwa apo bakuwona umo tikukhalira umoyo withu, wanagwa withu, ubare withu, na kujipereka kwithu ku utebeti uwo tikulongora pakumutebetera Yesu, kuleka kalongolero ka vinjeru vithu vya kufumira mumasambiro ghithu na suskano izo tikulongora muvyakulemba, vidumbirano panji mukayowoyero kithu. Mbunenesko wose nkhanira kuti mbakhristu pera awo bakukhorwa chomene na visambizgo vyakuthutirika kwa Baibulo.” Kasi mukughanaghanachi pa kayowoyero ka Mliska pa makani gha kuthutirika na kuphakazgika kwa Mazgu gha Chiuta? Kasi wakaba munenesko panji chara mukeruzgiro kake? Sukulu ya kusura balongozgi ya Chikhristu yikupereka visambizgo vya Mazgu gha Chiuta kubalongozgi, pa uliska, kutanthaulira, na vinandi waka. Muvisambizgo vyose ivyo vikuperekeka, bakukhumbiskiska kuti basambiri bawo basambire kutanthaura kwa Mazgu gha Chiuta . Kaghanaghaniro kawo kakaba kapusu na kakupulikikwa chomene. Sukulu iyi bakugomezga kuti, chakuzirwa chomene kumulongozgi wali yose ntchakuti wamanye Mazghu gha Chiuta, kutanthaura Mazgu gha Chiuta makora na mwakufikapo. Kusazgirapo chinyake chili chose chara, kumanya kupharazga makora, kusambizga, na kughatora Mazgu gha Chiuta kuba chakupimira pa umoyo wa dazi na dazi. Kasi mukughanaghanapo wuli na kusambizga uku: pakutolera vinthu ivyo balongozgi ba mipingo ya mutauni bakwenera kusambira kuchita na kuba, kasi Mazgu gha Chiuta ghakwenera kutorapo lwande wuli mukatebetero kawo? Kasi ntchifukwa wuli ntchinthu chinonono chomene kuti munthu wabe mutebete muweme nawakufikapo usangewandakhwimiskike na kukhubirizgika na visambizgo vyakwenelera mwakuti wamanye kugaba Mazgu gha Chiuta mwakwenelera? Vyakwamba vikwenera kukhara Vyakwamba

3

1

4